朗聲四起

’iyakay’adrosa na coaw silape na pelenge lakiboboo noiyaminame ladoo’atingne cekay? lasoko’onianenapelenge mowa.

komona ma’agaagaenga na egeege, ’ikay kica’owane no mwaninga na mangesale na cavili ka tapadradresenge.

la’angeese mwa egeege pongodwane, lacengeledryane i’ikay’asaseane na’angato na soaw kidra drodrosa kidredremini ka myani nakay laya iowakidredremini si’ete.

ko sesesane ka lakicoi magi’imoco’avagay, ko sakadrosa ka lawana sakaegegeane kisadodoko’o lawa taboko’ane pasa’aimoto dodoko’o.

komwa ninga na mangesale na cavili ka lapadradresenge na pelenge kidra drodrosa, lakiboboodryane amyanikidra taboko’ane ko dodwape miya?

layanakay ko sesesane cocoaw mali ’angoyingaw nakay zingsikay ka’iakayna sakothailaanyane na egeege yi’ikay’asaseanena’angato ’asaseanenasowao laya magi’imoco. si driyane ko cicicavili ka si aminiyane wa’aegegenga ’abokolo makasi nakay sesanenga ka lakasalekesekenga ka egee ge kabokolo.

layanakay ko sesane cocoaw kyadalamane anataboko’ane ’aegeege ka taboko’aanee!

si ebatinila talaakita’avelevele bwaykacaw didida’ane dodoko’o zoolringi na ma’aka’angatonga doko’o na vengeay swa’aimoto la’atawmomo posopongo, ’aposadoko’o masalekeseke ma’akaynoinonga.

kipelenge ka latangotangowane aoini, ’apobakadryane mwasakadrosa cocoaw myanakay, “ tingnicekaynga koso. ” si amani kikay sa’aveleveliso ka pawvikay. sana’icekaliso ’avelevele ka nodoonga mokoso’atingnicekay.

ano maledriso na coaw ko paepengini dooini ka ’angkakiboboa koso. sikiyaodrongamyali avelevele mya nisi ’avelevela ka sikiyaodranga’avelevele! waapakidredrme i’avelevele sidwape ka pakelaiya mosowa na takaagi’ane amanimaninga na kyasamola’avelevele ka no doo amiya cengele na takaagii’ane.

有兩個人請教上帝如何成為天使，上帝派他們到高山考察，約定十年後見。整座山沒有草木，一人發了牢騷後就憤然離去，另一人去採種子到荒山播種。十年後，上帝詢問情況，一人抱怨是荒山，另一個人說現已是青山，上帝欣慰的對第二個人說：「你已經成為天使了。」這就是行動的力量。

當我們羨慕別人的成功時，有沒有問問自己是否已經開始行動，如果沒有，那讓自己開始行動吧！心動而不行動的人，幸運永遠也不會降 臨。只有行動才能成功。