朗聲四起

a temakakesi ku driya kana palribak na takesian i, makabetraan mi na sakaputan. na karamisasayan i, adri marisarisan tu kakuwayanan. marekasagasagar mi sakaputan.

i Tata i, mames ramu. amawna, an garemay i abalu lra dratu ilremesan.

i Abin i, saigu semenay dratu senay dra mumuan. marayas ta kilrengaw dra “ naluwan、naluwan… ” kema.

i Anan i, apelr dra nger aw saigu pakabulay dra ngai. raemetr temakesi temililr. amawna, puru adri kirungutr tu dradrek.

i Asin i, an paturu dra kiyakarunan na sinsi i, tu pakutrekutray pasekadr pakabulay tu kinikarunan. salaw semangal na sinsi dar.

i Taata kay Sukudri i, a maaapi. salaw bulay dra pinitrangaran. raemetr meladaladam aw saigu tremuritruli.

i Alin i, salaw mangai. amawna, raemetr dra kiyakarunan. aw sagar pulrang dra risarisan.

i Awidr i, bulenan aw mutralatralaw tu trangar. amere aw misaeruwan tu indan. salaw bulay tu tinililran.

i Alaw i, kurenauwan dra bangesar. matrina tu lrengaw an marengay. adri ta driya menau kantaw i, kurengaway lra tu lrengaw.

i Senten kay Asem i, sagar mukasa malinay. amawna, an madradrikulr i, marepakalrawa aw mapapingitr dar.

i Alan kay Amuy i, raemetr semelrap pakabulay kana takakesian. amawna, puru maratrang temakesi. adri dar pakasekatr dratu tatililran.

i Asiw i, asatr aw bulay dra pinidradrekan. i Aping i, bulay tu pinitrangaran aw ulane.

i Ayang aw i Ahung i, amere adri sagar kimadrayar dra trau. an menau kana sinsinsian i, temiung dar.

i Kayaw i, sadru tu kinalradraman. amau na sagar menau dra marekamenimeni dra tilin.

i Tingnan i, mutralatralaw tu trangar. ulane lra kumuda i, saigu muarak aw saigu parekudakuda pakasaeru dratu kaput.

mikiyakarunan mi lra peniya. ulraya na kiyakarun i singki. ulraya na kadru i Balangaw kiyakarun. kasareereedr naniyam inukasayan i takesian.

我讀小學的時候，全班共有二十個同學，我們的個性各不相同。

Tata是個容易生氣的男孩，但是很快就會忘了不愉快。Abin，很會唱mumu的古謠，總是「naluwan、naluwan…」的唱著。Anan個性溫和，說話柔和，學習認真，但身體較弱。Asin總是把老師交辦的事情認真徹底的完成。Taata和Sukudri是對很漂亮的雙胞胎姐妹，功課好，會畫畫。Alin雖多話，但做事認真樂於助人。Awidr的臉又圓又白，個性安靜溫和，寫字漂亮。Alaw很帥氣，聲音大，總是人未到聲先到。

我們現在分散在城市或是家鄉努力的工作，好懷念小學的生活。