朗聲四起

a temakakesi ku driya kana pallibak na takesian i, makabetraan mi na sakaputan. na karamisasayan i, adri marisarisan tu kakaraw. amawna, marekasagasagar mi sakaputan.

i Tata i, a mainayan. mames ramu. amawna, an garemay i abalu lla dratu illemesan. i Abin i, saigu semenay dratu senay dra mumuan. marayas ta killengaw dra “ naluwan、naluwan… ” kema.

i Anan i, salaw apell dra nirangeran aw saigu pakabulay an marengay. raemetr temakesi temilill. amawna, puru adri kirungutr tu dradrek. i Asin i, an paturu dra kiyakarunan na sinsi i, tu pakutrekutray pasekadr pakabulay tu kinikarunan. salaw semangal na sinsi aw tallima dra pakakarunan.

i Taata kay Sukudri i, a maaapi. salaw bulay dra pinitrangaran. raemetr meladaladam aw saigu temutrautrau.

i Alin i, salaw mangai. amawna, raemetr dra kiyakarunan. aw sagar pullang dra risarisan. i Awidr i, bulenan aw mutralatralaw tu trangar. adri mangai i kamawan dra mangesilli an menau ta. salaw bulay an temilill.

i Alaw i, kurenauwan dra bangesar. matrina tu llengaw an marengay. adri ta driya menau kantaw i, kurengaway lla tu llengaw.

i Sinting i, amau na matumeng adri sadru dra ngai. amawna, an kikarun i, salaw pakasa dar.

i Senten kay Asem i, sagar mukasa malinay. amawna, an madradrikull i, marepakallawa aw mapapingitr dar.

i Alan kay Amuy i, raemetr semellap pakabulay kana takakesian. amawna, puru maratrang temakesi. adri dar pakasekatr dratu tatilillan.

i Asiw i, asatr aw bulay dra pinidradrekan. i Aping i, bulay tu pinitrangaran aw ulane.

i Ayang aw i Ahung i, amere adri sagar kimadrayar dra trau. an menau kana sinsinsian i, temiung dar.

i Kayaw i, sadru tu kinalladraman. amau na sagar menau dra marekamenimeni dra tilin.

i Tingnan i, mutralatralaw tu trangar. ulane lla kumuda i, saigu muarak aw saigu parekudakuda pakasaeru dratu kaput.

mikiyakarunan lla peniya. ullaya na kiyakarun i singki. ullaya na kadru i Balangaw kikarun. kasareereedr naniyam inukasayan i takesian.

我讀小學的時候，全班共有二十個同學，我們的個性各不相同。Tata容易生氣，但是好得快。Abin，很會唱mumu的古謠。Anan身體較弱。Asin認真徹底的完成工作。Taata和Sukudri是對漂亮的雙胞胎姐妹，很會畫畫。Alin多話，但樂於助人。Awidr寫字漂亮。Alaw是個大嗓門的帥哥。

Sinting沉默寡言，認真。Senten和Asem是好朋友，又喜歡吵架。Alan和Amuy很認真打掃環境。Asiw身材好，Aping圓嘟嘟，長得漂亮。Ayang和Ahung都很沈默。Kayaw喜歡閱讀各類的書籍。Tingnan胖嘟嘟，很會跳舞。好懷念小學的生活。