朗聲四起

Sikakaupa ka na musqu amin tutupa, haiza Tauluu tun a qalinga tupa tu; “Haiza tas’a saba tu lumaq malmamaupa, a atikis a tastusaba qamisan tu bunun malmiqumis.” Tastuqansal tu miniqumis na sangkunun tutupa diqanin ma’uman. Paqpun malalabas a bunun namudaan tutupa, a malalabas amin a  baqlu tastuqansal tu bunun minsuma lahuvaiv. Nii ka diqanin mimisbu maupata kuzakuza.

Miliskina tu maaq i uka bunun masunu masaiv i na’is’iqumis tu qansiap siin taiklas a, namakuaq a mailalangna un miqumis? Nii ata niap tu tasmaipiaqin qansal a imita laupakadau tus’a kun. Muqa tu sinudu’anin amin a mailantatangus i inaita tiklas siin kaiqansaipan; Maaq a imita uvavaz’az a na sunudan amin mita imita laupakadau tu tiklas siin kaiqansaipan.

Maaq a masunu tu sinkuzakuza a, isia madadaingaz masihal tu sinkuzakuza; tis’uni tu na asa mapinqumis i mailankikinuz tu miniqumis. Maaq aingka masunu ka, sia ki masihal tu sinkuzakuza. Masunu ki quma, sui, kaiqansaipan siin kanada’an miqumis tu taiklas, maaq a islulus’an, sainiduan, isqaqanup, isbabazbaz, isqaqainan, samu, istusasaus, sinhihqin siin sinkuzakuza ka a maszang amin. Mavia tu na masunu inaita kaizimaun tu sikakaupa i? Aupa miliskin aingka tu nani’in ikma’aiun intaa, asa tu sunudun mapunhaan maikikingna, a na maqtuang aingka ikma’ia. Nii dau imita taiklas minaqtung, haiza tutupa a mavaivai, asa’ang tu susanang duma vaivivaivi tu taiklas. Nipuntu na minaqtung a, na kamana’uang maqtu ikma’aiun naita miqumis.

Maaq a sunudan tu bununa, sintupa tu mavai’ang intaa ka kaqansaipan, panlivalivang a inaita kainikuza’an, qailis dau lasmumuav a  iniliskinan. Paqpun matudanul a madaidaingaza, sunudan aingka inaita madaidaingaz i masihal tu maqunduq tu kaiqansaipan, mindangaz intaa mapinsihal i inaita iniqumisan.

世有百年厝，鮮有百年人。很多人消逝，也有許多人新生人，老天總是這麼不停地運作。想想看，假如沒有人傳遞生命中的知識與智慧，那麼後輩要如何應付生活了？前輩們都受到他們前輩的傳承；現在的孩子們，也會接受長輩他們的傳承。傳承是長輩們很好的作為，他們傳承田地、錢財、知識、智慧、信仰、觀念、獵場、語言、喜樂、禁忌、歌謠、勸戒、工作。