朗聲四起

Maaq aam a hahima tu madadaingaz, ankus i tastusiduq mita tu sinlulus’an. Ma’aq a mastaan madaing tu tanqapu’ lulus’an a sia ki Tanapima tu siduq. Nasia Pima Tanapima ka madas i sasaspat tu madadaingaz masnava mita; Mangunnu a tupaun ngaan tu Tulbus Tanapima. Mangunu a tupaun ngaan tu Vilian Manququ. Mangunu a tupaun ngaan tu Hadul Mangququ. Mangunuin tu amin a tupuan ngaan tu Atul tanapima.

Manaskal aam maqtu masnava itu takiVatan mailankikinuz uvavaz’az pali’uni ki mailanqabasanang tu islulus’an.

Tupa a Pima tu, “Maaq a maisnava mita takiVatan islulus’an a sia buan.” qabasang, dusa dau ka valiun, a lasungun i maimadadaingaz mita manaq tas’a valia, muqalqal a min’uni ki buan. Sin buan a taqu ki minanaq bunun ta tu, “Asa amu tu zaku a lus’anan.”

Maaq a takiVatan na’islus’an tu buana haiza tu mas’an qan dusa buan. Tumantuk a Pima Tanapima tupa’ tu, “ Maaq aam laupakadau masnava mailalangna, nitu miliskin tu namuqna madas i maikikingna tun musuqis lus’an i buan, kapimaupa ki Buan tu sintataqu.”

Antalam a Tulbus Tanapimaa tu, “Paiskatudiip tu antala’in a Bunun Iesu Kilistu, kitngaina Bunun malusqu itu Buan tu islulus’an, sin mita Bunun Kilistua lulus’anan.” Tuqnang aipa bazbaz tu, “Asa amu tu maszang zami madadaingaz tu matusuqtis lus’an i Iesu Kilistu. Aupa maaq is nitu matusuqtis lus’an a, namalatpu ata, minsauqzang ata, nanii ata asidu’uan i kinuzakuzaan.” Tulbus Tanapima.

Tan’aa amu takiVatan tu mailalangna. Aupa maaq aam hahimaa, aza’aza amin tu isia takiVatan siduq tangqapu’ luslus’an. Maaq i nitu tan’a, namalatpu amu qabasin. Dailazun zami ka binazbaz qalinga ti, pitqasun zami amu taqu, katu anpungulan! Maaq a isluls’an a, maupa ti tu, Tas’a buan, lus’an Buan Paqunan. Dusa buan, lus’an Buan Pabizau’an.

Tau buan, lus’an Buan minpinang. Paat buan, luas’an Buan pinangan. Hima buan, luas’an Buan minqulau. Nuum buan, luas’an Buan Tustusan. pitu buan, luas’an Buan Malatainga. Vau buan, luas’an Buan Laupanang. Siva buan, luas’an Buan Davunan. Mas’an buan, luas’an Buan Saduan. Mas’an qan tas’a buan, luas’an Buan Pasiqaulusan. Mas’an qan dusa buan, luas’an Buan andaza.

我們五位耆老是所有祭祀的掌有者。我們很高興能教導丹群後輩關於古代丹群的祭祀。要祭祀的月份有12個月，要帶領後輩們去遵行過去布農族人古老的教導。

布農族要對耶穌基督存敬畏的心，去敬拜。一月份是伐木祭。二月份是立巴筆樹祭。三月份是休閒祭。四月份是開墾祭。五月份是播撒祭。六月份是月亮祭。七月份是鬼祭。八月份射耳祭。九月份是雜什祭。十月份待收祭。十一月份成人祭。十二月份進倉祭。