朗聲四起

iniyam na i Mulivelivek na papida na temakakesi ziya na sataveran, mutukatelu mi za lepunan, mukuwa mi pungadana kana Yēnmintay na “Kai試英雄” na parpakuwakuwayan kinger, marengay, miyup, venavalray kananta piningaiyan. niyam kinurelrangan kurepakuwakuwa patari i likuzakuzan lra mu, kiumalr zata kakuwayanan a awatr ziya, kiumalr za izu na vinetvetan kana tuwap na varasa’ mu, ulra i iyan? iniyam na telu lepunan mu, ’azi penauwa niyam tinuvang, zi maranger ku mukuwa mena’uwa kanizu na vinetvetan kana tuwap na varasa’.

ku kiyamiyay i inani “nu miwari u mu, pilralrangaw ku mukuwa mena’uwa kanizu na vinetevetan kana tuwap na varasa’.” ai kema i inani, mena’u kana wanglu mukuwa miya’a za ulra i iyan zi, malrazam lra mu, ku daulraw ku lralrang salrangan mi muitras za bas mukuwa. izu na vinetvetan na varasa’ mu, ulra i kaziyu i Valangaw i Fudafuda (莿桐部落) kana ulrangulranguyan nu lrevek i ngidiran. ulra kana tematala’ kana vali na kawikawi i savak, izu na varasa’ nu mena’u ta mu, kamawan za vinetevetan za tuwap. ulra izu  na merarengay na pakalrazam kana zuwa kivangaavanga na trau. marengay kanini na vinetevetan kana tuwap na varasa’ tu umaumalran. a mawziya ini na varasa’ tu ikaatras mu, maraatras za trau, na trau mu, ’azi maruwa muitras. kana ’ami’ami tu ’udalray, valiyay zi tu sevukay lra kana vutrek mu, alusu lra. mukuwa ta mena’uwa mu, kalre’ayan ta mena’u.

na Amis zi mau inta na Pinuyumayan nantu vativatiyan mu, purumararesan tu kakuwayanan za tuwap. na Amis nu marengay mu, mau na Amis na maruwadi mukuwa tremakawa kantu tevu na Puyuma, zi tu ’evangaw za Puyuma za trau. mawmu, na Pinuyumayan mu, tu vativatiyan nu marengay ’azi maresan, mau na Pinuyumayan na marewadi na mukuwa tremakawa kanatu varikuway na Amis zi tu ’evangaw na Amis nazu na maruwadi. i likakudan lra mu maw lra na tuwap na mukuwa venaawa kana trau. nantu vatevate ’azi kamaresanan, maw mu izu na vaw nantu vinetevetan kana tuwap na varasa’ maw izu na varasa’ saya.

tu pauwayan kanini na vativatiyan kana Amis zi inta mu, ulra tu kakuwayanan za tuwap. ninta kakuwayanan na kinawatranan.

「Kai試英雄」總決賽有一題「風箏石所在的地點在哪？」我們沒答對，很想看到風箏石。請求媽媽帶我去看，它位在臺東，石頭還有綁風箏線的勒痕，原來有兩米高，但經年累月的風吹雨打，現在高度大概六十公分左右。阿美族和卑南族的傳說版本差不多，都是自己族人被對方抓走，最後利用風箏救人，版本不同，但哥哥綁風箏的石頭卻是同一塊。

每年會有族人尋根舉行追思祭祀。大家都不願意因為開發而將風箏石搬移或挖掉，風箏石是文化景觀。