朗聲四起

ko nadroma ai rathodo tamia, anatoma si kaswlivate lo twatoma dromolo, kai sino si talialalay tamai cobonga, makocingalre kai talialalay osakaelre.

cekele taromake ka mokasa ki icong, dadana yakai tasinangana si makarla, talialalay, kawkawlo makaela kwadra nagane.

la talialay takaia dane tara yakai ka inaidia lrenege, darela’e odroli, atothinga le amai talralalay, lo kalalrisiya, yakai kitokaela angiragela tasia asaelre kinawmasa.

Taromak latalialary tai enema ka dadana, kiaelre lavalios, latwalacasi laakaloko, lavolrenga, lainalriki, lasangilada, la tomadadanga ko lavalios dra daane.

kai talialay kiataromara dadana lo swalo’o, yakai ka beceng, tay, bolabolai, arakai asodalro ki bazabaza si ina matiakoro, lo ikai ka makocingalre vaga amwa ki talialay maelaela, tawmasani kiyosakene amani ka drekadrekase si rathorathodo ki cekele.

sa mwdane kai droma ka lrisi, swalo’o baai latalrialay la Moalra asarare, amanisa, lo tokalalrisiya moacenceng, la talialalay mawbalribalrithi sicengcenge mailoko cekele.

以前為了有效統治和管理，頭目成為不可缺少的力量。Taromak部落是一種集村型部落，分為頭目家、特殊身份人家及一般人家。頭目家屋前會立有獨石、種榕樹，以彰顯階級制度和尊貴，重大祭典上保有服飾上的特權。Taromak部落有lavalius，latwalacasi，laakaluko，lavulenga，lainaliki，lasangilata，其中以lavalius為首席頭目家。

頭目家接受奉獻，以此招待外賓及照顧弱勢者，也是部落集會討論公共事務之地的決策者。受宗教文化影響，奉獻給頭目的行為逐漸式微。