朗聲四起

tumanesu madraruru kɨkɨma musu? urugu musu tumarasu si langidraruru musu? urugu musu skadraruru ka ika tékadra? iku skadrarurusu si ku skadraruruli matumé? ina skadraruru ka uduru pavlavla padrudruru?

ina skadraruru ka tédra ku ikagranga? makasi iku makɨcɨcɨngénga nuduruma musu ngilrigu mtakɨdrɨngénga irigudria. madraruru ka tumé na avé lulwepɨ, ina mtalekni kdrɨdrɨmɨsu, iké na klakɨcɨra tumé na klatingitingisa putisukuro. madraruru ka tumé na rɨna cɨlé miling. gia morudru, ikikéswa pitibula.

skadraruru ka akina cngredra mrapa si liké angatu adringi kupolrilri, skadraruru ka udalɨ si lathakebe, skadraruru ka klakɨcɨra mtaleke si ladidivi mrapa. skadraruru ka kurukuru si ladrurapese avé. skadraruru ka ikédra lrima kopu madreladra na acɨlé. skadraruru ka amani ku tɨmacadra ki nina maragi sikilevake.

skadraruru ka amani na mkecɨngta mra, si mrabrabrɨ ku kdrɨdrɨmɨta apersɨsɨ ngébé ku syoénge. skadraruru ka akina klatingisa ku brobwaneta duduku si klabɨcɨnga kékenane madro bwimitya mangzu ku sékacu. skadraruru ka tumé na sududuka iké garɨ éthakepu. skadraruru ka amani ku paticuragi bwetɨta. skadraruru amani ku klatingingisa na sɨmɨsɨmɨdra pidirepepe makasyerengenga. skadraruru ka amani ku sessa na kopu acɨlé, pongulumitya ku médru. skadraruru ka amani ku tɨblɨnga garɨ ku cacɨngalɨ iké na masungu pululwepemitia.

skadraruru ka amani ku margi ku lɨséta sikdrɨdrɨmɨswa. ina tubisu apresɨsɨ, amani ku udrisisi rɨsɨsu. ina tangɨngsésu mthaingongo nukémaswa tapra. ina ikédra adopasu si iduru musu nukumanima pitikecengeswa.

kumidra na avé ulwepe, kumidra bɨsɨbɨsɨ morenavene udɨle, kumidra mlawmpacé, kumidra makakwanga na makakwanga. urugu kɨkɨ, skadraruru ka ikiké mcéli tulucubunga, iduru gia médévélé.

sékoma ka amani sesa na skadraruru, sipaima ka tumé na sesa na skadraruru, ikidri ka amani ku sesa mangilingili si lakilimeme negene na. ikédraswa na gerangne ngipsobaka: ikuludru kɨkɨ sipaimia, nuvéthama kɨkɨ tulucubunga, ku kungvéthayali. sipai mili, nukémangkwa na gerangne, icikele ngibé kɨkɨ ptaneké, mwa silɨpe ku skadraruruli.

幸福是無處不在，像陽光一般，讓心靈在寒冷的冬天也像春天一樣溫暖。像是輕輕流過的溪水，讓情感永遠保持純淨！幸福是春天的播種，秋天的收穫，給予我們滿足的生活。幸福是綿綿的春雨，滋潤著萬物，也給人帶來絲絲沁涼。幸福是天上明亮的星星，在夜晚照亮著我們。

幸福是好朋友，時時關心著你，真心陪伴，幸福從未走遠。成功是種幸福，失敗也是種幸福，那是種酸楚的甜蜜。失敗了，再爬起來，給自己點一盞燈，去尋找屬於自己的幸福。