朗聲四起

kename ka sterese, singsi name mopungu tɨtɨlrɨ oruni kiaké nema. Sululetaname ka. sitalese iptapedrenge bicilringi, si ina iké dra ku takepara nemadepe madelame élelernge. olranga na nikai ki singsi sakuranga. iké na ico amara suepe mua cukuyé gare thɨné, iké na ulritipi sulate pétha tihikoki pithirithiribi, sukura na élelernge. iku hancio name ka ilrigu kutumé yiadra. cngle dria ku sterese name, sukuré dra madadengace.

iké ku nikai tatédra yikani sing si name, ki kocioséngsé longké biling tava cngcngle, liké na pathilithili bi apéthadra sulate na hikoki supka kénga ku orudra. ki kocioséngsé ka sakura marekeme, pacimonga ngingiecɨ. Subaletenga kename cngle nakuni mia mrekeme, ku gakko lesalia mbalete cngle.

susi liké kené mua na yienenga, kename ngépela mragi ku sarkikénema, asulusuluta nema ku skargidra ulri ba tɨnga dru ma na sulriene, Amani ku maraginga ku gakko nema ka sulriene. kumidra yiukanila ki singsi ka tédra na malilivi mdadangece, mongé na nika nila ki singsi angikemani cngle isisipi sulate, milringi mia dodo singsia na. sakura kɨkɨ nga madelame kené nga, ku stereseli si ku leséli sakura kɨkɨ na margi ku plengli si dulru saterese, takdrɨ ngé ni ki kocioséngsé. Si singsi name songkéni nupuatania yianema, iké ku tumanema sukura mdadangce. Ibicici lringi ka Amani kemani buburu nema pingcege pitikecenge.

我們班是品行不佳、功課不好的一班，也是讓校長、老師頭痛的一班。老師不在時，有些人拿掃帚自彈自唱，有些人折紙飛機丟來丟去。有次，老師不在，校長在巡班。突然，一架紙飛機飛出窗戶，插在校長的頭髮上。校長被嚇到突然大叫，引來全校同學老師們的注目。

隔天升旗時，我們被邀請到典禮台上。校長訓斥我們，也期勉我們改過向善，努力貢獻社會。從此，我們班收斂許多，品行、學業都逐漸改善，成為學校裡的模範班級。