taa itowaalakengamita aa omikingadhona akahavehaveheta icongongai miya, icongongai iyamita towelaela paineketa, towelaela sikaceta, towelaela tikieta yelre kavole la tohamohomita towelaela linata icongongai miya.

ikinimite dhona icongonga’o aiya’idhemeta aa, ina paineketa omi’a taa palidha’a tadha’aca’eta valrevalreae, ikinimite dhona icongonga’o aiya’idhemeta aa, omi’amita taa iniyaeceng dha’ane saosi, ikinimite dhona icongonga’o aiya’idhemeta aa, omi’amita taa iki valro la ikinite tadhi’i apange, ikinimite dhona icongonga’o aiya’idhemeta aa, omi’amita dhona alrame lo inipalayini mani dholro apahamao ta’inilangpalayini. amadhalae omiki ti’aina vaha: ina kapa molraengali aa inai inali taa kamai cokopo cikipi molra’eli, kaila lo mao dhace asika’olo lo miyata, tako pato’imite alringana taikie’o omiyangimite. ana taiyanimite pato’o kapavahanga linata aa idhopele akasahengehengenimite, nidhowani lamata omi’a idhemelini, alakayi aka’odho tamo lrivatiline akasalraynimite ta kala’ala’ake.

lo cengeleta linata la lamata ta kahodhange angelrece taponoeni, mani cengeleta linata la lamata i’ata kavokolo dhelrehelini, la cengeleta linata la lamata apa’aehema’elini ta kodha’enga iyo’olini, ki’alrihilrihoae tomaolrao mala’olrolrao apolalavelavae tacengela’eli, alakay makakiyae idhemeli.

lo cengeleta menenga aolrolai taa akosa madha’oso ohapakasekelre pakalaolro linani, cengelemao linata lamata amalraine lani iki ka tadholroeni lalakenai niya, a’iyidhedhemelinimite, icodhalra’anga aho’oho’ohocenga macalini, lo pi’ali ana apa’idhedheme aa ki’alrihilrihoae tomaolrao apolalavelavae tacengela’eli, alakay icongongai omiyalrao idhemeli.

ova’aimite linata paineke, manilaponite paka’oloho, mani pasolatimite pa’ica’oca’o, kilrihilriho’omita oha osahiyo lo ikita gako, linata la lamata oha ihakimite alra’ilini ahaki mimite mowa to’onai asika’olo.

 

每個人生來便應該有一種情懷－感恩。感恩生命，感恩生活，感恩社會，更應該感恩父母。

懷抱感恩的心，猶如在生命旅途中點燃一盞明燈，猶如掌握了人生宮門的鑰匙，猶如在人生海洋中擁有堅固的船，猶如鳥兒擁有調節平衡的尾巴。

「慈母手中線，遊子身上衣，臨行密密縫，意恐遲遲歸，誰言寸草心，報得三春暉。」字裡行間流露著母愛魅力。母愛偉大，父愛亦然，父母給予我們的是無私的愛。

看著父母那爬滿歲月的額頭，飽嘗雨露風霜的脊背，飽經艱難困苦的絲絲白髮，莫名的淚淌下我面頰，那是親情的呼喚。

看著弟弟常把母親氣得落淚，看著父母望子能成龍的憂慮，一條條銀蛇爬滿額頭，從我眼眶中迸出的，是感恩的淚。

父母給予我們生命，教養我們長大。當我們嬉戲時，父母卻正為我們高昂的學費而奔波著。

生命如同一張白紙，有了感恩之心，紙上便會出現粉紅。一生懷抱感恩，紙的底色也是粉紅，也就有了美好的人生。