sraral ka cinbwanan qaniy ga minnaki qutux kinlgan na squliq, tllwan nha mha Mksingut. swa nha son Mksingut qu squliq qasa ga, haziy ana na rroq qu inrkyasan nha, ms’urux qu Mksingut mga, mwah sa puga qu sinrxan nha, aki yan kin-gwagiq na singut ru tnaq nha ’san mkaraw ma.

taqu nniqun na Mksingut qasa, gigway yabux na pinhapuy mami ru yabux na tnahuk rramat ma. maki qutux ryax, ktan na Tayal qu pinhapuy nqu Mksingut, tuliq qu Tayal si nya ’bsan maniq kwara qu mami ru rramat na Mksingut qasa, ini tmasuq maniq ga shnglan na Mksingut la. kmal qu Mksingut mha “swa su qriqun qu pinhapuy maku? ana uzi ga phtuw inu qu wal su niqun qasa lpi? iyat su nya htulan lga ? ” smyuk qu Tayal hiya mha “baliy sami yan simu ka ungat bling na qcyan ! sami hiya ga kya qu pinnzil myan ga sin-ggyut myan mstanux”. ke kasa ga stalam nya mstanux ma.

llungun nqu Mksingut qu knita nya lru kmal mha “iyat baqun kbalay qu bling na qcyan myan hiya ? teta yan smunan iyat nanak yabux na pinhapuy qu niqun myan.” syukun nqu Tayal kmal mha “aw, kblayaw maku qu bling qcyan su, teta su yan sami ka maniq simu mami ru rramat ga psquciy mamu uzi”, mzimu balay qu Mksingut qasa. ssuling baliq nqu Tayal, mtalah qu snuling nya baliq lga, sbetaq nya sa qcyan na Mksingut. si kta ka “zyus…zyus…” mha ru wal mhngu squ qsahuy na qcyan nqu Mksingut la, ini lawa ktwa wal si gluw mstkara ru mhuqil qu Mksingut qasa uzi lru wal mgyay qu Tayal la.

ktan nqu gluw nya qu cyux mstkara qasa lga, yaqih inlungan nha ru mkayal mha “ ’say ta smksa qu rapal na Tayal qasa, shnglan ta lga btaqay ta uzi” mha mkayal. nanu yasa qu bhyagun nha qu Tayal, aw ga ini nha shngay gi ttekuy qu hi nha, son kasa si ’bzinah ngasal nha ru phapuy loziy, ini psbah qu qqaniq nha squ yabux na pinhapuy nha ma.

從前有種人類，泰雅族人命名爲瑪卡西奴族，他們身材特別矮小。瑪卡西奴族的人們站立起來時，其高度僅及一般人肚臍。

他們的飮食僅僅只吸食煮出來的飯菜蒸氣就足夠吃飽。有一天，瑪卡西奴族所煮的飯菜被一些泰雅族人發現，泰雅族人把飯菜一掃而光。瑪卡西奴族剛好回家，很生氣的說:「爲什麼要偷吃飯菜？吃過的飯菜如何才能夠排泄出來？」。泰雅人回答說：「我們有排泄物時，會逐漸把它排泄出來」。

瑪卡西奴族看到族人仰地而死，快馬加鞭順著足跡去尋找仇人，無奈體型太小未能追上，只好垂頭喪氣地返回。