smpung squ yaqih ru blaq qu bnkis na Tayal raral hiya ga, mutux nha skahul squ mnbu ru pqlisan qu hi nha. ana su squliq qu mnbu ru squliq qu pqlisan lga galan nha spngan uzi, kya uzi qu memaw nha spngan qu mhuqil uzi ma.

nanu yasa qu maki qutux ryax mkayal kwara qu mmrhuw na Tayal mha “aki hmswa shkangiy ta qutux ywaw, mwah kin-giwan nqu utux ru mita sa yaqih ru blaq na yaw” mha. bsyaq haziy qu linnglung nha ru wal si qlung msswayal kwara.

ki'a pira ryax wal lga, mssliy musa squ syaw na gong, ktan nha kya qu cyaqung ru siliq lru si psbka hmwaw qu cyaqung mha “Tayal, baqun maku sa nyux simu hmkangiy squ galan mamu sspung sa yaqih ru blaq na ywaw, saw ta qaniy kuw?  kuzing ki siliq, mspnga sami lmeliq btunux aring syaw qaniy ru krayas gong musa smatu qsyap qasa, kya myan qu lmaqux lga, yasa qu galiy sa sspngan la, baha maku syun kya qu siliq hiya gi cipuq qu hi nya?”. ktan qu siliq hiya ga si pin’syang, ini kal ana qutux ke.

cyux memaw kmrraka tmnga mita cyaqung ru siliq qu Tayal. t’aring hga yaqu cyaqung gleng lmeliq btunux, si kta cyux si “quqa……quqa……” hmwaw qu cyaqung ga ini plglaw ana cikuy qu btunux ka aki nya llequn. babaw nya lga snagun nqu siliq musa lmeliq btunux qasa, si kta ka wayal nya si hhwaziy lmeliq qu btunux qasa, cyux nya psrxun te qsyap na gong qu btunux qasa, memaw balay mnkux kwara qu Tayal, aw gi ima psnhiy qu siliq gi cikuy qu hi nya lpi !

tmasuq qu pinspngan na cyaqung ki siliq lga, kmal qu siliq mha “haziy na musa kuzing qu galan mamu squ sspngan lwah, hmswa ga musa nanak kuzing qu pthuzyay kin-giwan squ utux mamu!” ungat qu kkal kwara nqu Tayal la.

aring ryax qasa lga, nanu yaqu siliq qaniy qu galan nha squ kita nha yaqih ru blaq na ywaw lma.

古時泰雅先輩們對於如何判別好壊凶吉，是藉自身或其他的族人生病或受傷做爲判斷依據，更甚者把死亡也列入占卜的因素。

由於判定之方式與標準不一，因此族中長老們經長時間思考，同意尋找一樣東西，來替代神靈做爲審斷凶吉與良善好壞的標準。

過段時間，族人爲了占卜的事情在河邊開會，正巧遇見烏鴉和Siliq。烏鴉高聲大喊要做個競賽，抱一塊大石頭橫渡大河，放到對岸就可以，那個得到勝利就是族人要找的占卜鳥。

對決結朿之後，Sliq回頭向著泰雅人說:「也許我應該成爲你們的占卜者，因爲普天之下也只有我能夠替代你們的神靈爲你們未卜先知！」。

那埸決戰後，Siliq主宰了泰雅的心靈世界，凡凶、吉、良、惡都由牠來指引泰雅的審斷。