朗聲四起

Minqalmang qabas a taiesmumuut madia’in a malatpu i, nii a bunun mimisbu qaqanup, maupa’i madia can bukzavtun a Puut mama’un i takiludun tu qacu. Aananqa mintuc a bunun qaqanup i mahiav usiza’an i cui, altupa tu masaupa Qatungulan, Vvaqu, Haluvatan, Vahang,Kamun,Nining’av, Hihilav, Qamutic, Sala, Tun’ilan, Sauli, Qutun, Bbuan, Llituk, Nungqaihan, Havihalung, Siqail, Hhinuqun, Tuan, Babalu, Si’asik, Iivut, Ppupuhut, Pal’asangun, Sut, Sangqau’an, Dahulan, Qanituan, Qalubis, Tungkusaviq, Mainuqanaz, Laqaisan,Babalu, Tibaun, Qaimuc, Qali’dang, Ludungqas, Tahun. Maaq at cikaupa dalaq dii ka, mu’amin icia bunun tu mai’acang, anangqa maduka bunun mucuqis muncaan mai’acang qanup i azus saduu ki maibuhav.

Haiza amin a tisuni minvaivi ka diqanin a mucvai a taismumuut, maszang i talmadia nii tu qudanan a mataz a ismuut, uka cia taismumuuta kaunun, ananqa madia taismumuut a mataz.

Ciin aupa’i pantungtung a dalaq i bintuqan tikic a, mintun makazhav, mintun maklang a diqanin, nii’in maqtu miqumic, nii a bunun qabas madia a, muazin min’uni qaqanup ciin malka’iskaan miqumic. Maisnacaan qanciap mungquma, saipuk sidi, qanvang, tudiipin na bunun minmadia. tiscia asa pidaing i saipukan qanvang, muqalmang mapapaluq i lukic kukuzaun, ananqa min’uka cia taismumuut a dangi’an miqumic. Haiza tesmumuut a dangi’an ngabul min’uka’in amin. icaan Taivangti madia a qanvang, haiza maikuknav punpia qamisan kilimun a, uka’in amin saduu’an. Maaq at Taivangti tu bunun i haiza’ sinluc’an, muncan libus qanup, asa tu nii tu pimadia, uskunun paqusil ma’un, maupa’i nii’in a taismumuut minmadia. Maca nii’in mucmuav ikma’ia ki avula, siktang, maaq at dalaq dii ka manadidiip tu mabaqic, maaq a nastu dalaqti tu paav a, namu’amin misbulbul, namaidaza a danum. pindikla i dalaq nastuti, namalatpu a bunun caan dalaqti.

1960-2005年是林務局開發造林的時期，當時原住民的生活困頓被造林業工作所吸引。各族為了照顧家庭離開故鄉，前往南投山區賺錢，一待就是一、二個月，除了工作之外、也會放置陷阱捕獸夾等，若獵到山羌、水鹿、山羊、穿山甲就可以賣錢，布農族人會把獵到的動物都分享使用。

丹大林區的主要橋樑被水沖走，保住了野生動物的生命。生態平衡是大家的責任，我們可以規劃保育區、緩中區、獵捕區等，將來也可以讓更多人欣賞中央山脈的美景。