Maca taivang ti’ qabasa nanu’ dangi’as ngaan tupa’un tu acangis talikuan, maca talikuani’ nanu’ a nai malancas lukic cina mumuut maca kapupuaqin, na mintasalina nai amin kusbabai , altupat i’ica haan dalaq taivang ti’, maltutuuc nai saduu’an kusbabai, mantan manau’az sala saduu’an ca talikuan mangki maca kusbabain. Mantan madia’ sala ca vaivivaivi ka talikuan ha’an taivang ti’, na maiza munha’an paat saba mutdata’ ca talikuan ha’an taivang ti’, alminanan ca ta’ata’a ka talikuan mangki’dangi’as macial sala tan’auna mastauluu tu ngaan.

Maca acangis Bunun takitudu, maupas ququaz ciin buqaiz, mantan madia’ sala ca talikuan, daqat maiza ca patungaanun nai ka talikuan, uutu nii’ tu mu’amin patungaanan ca cikaupa ka talikuani’. Maca mataqdunga talikuani’, maiza kang kini’ maipipiiata’,mavavaivi ca matataqdung mangki’ amin, maiza mamasqa’, maiza takikiuc, nii’ tu maszang amin ca tasan, uutu mu’aminang kini’ tupa’un tu “ taqdung”.Maiza ca maupas muut ca kisanglavan, maidusa’ang kini’, tupa’un ca ta’a tu “tacu’,” maca dangi’as visvisa tupa’un tu “ dusa’visvis”. Maca tupa’us bunun tu “vasang”, maiza maidusa’ang kini’, mapusqaiv ca tasanis ta’a, maqaihac ca tasanis ta’a. maiza ca mabulav ca tasan, tataqdung ca kauskaus cia, tupa’un tu “dusa’tikic” ca ngaan cia. Maiza amin ca tupa’un tu “tamana’, bulav”, maca maiza ca tasan cia maqatumu maupas mata’, na tupa’un ca ngaan cia tu “ mata’“.

Maiza amin malasmadauqac a talikuan, haiza paat ca visvis cia, daqat tupa’un tu “paatvisvis” ca ngaan cia. Maiza amin ca talikuani maca panduu ha nii’ ti pantipul ca pani’ cia, daqat tupa’un bunun tu “ kulapha’“. Maiza amin ca malasmabulav mamasqa’ sala ka talikuan, tupa’un “ muung” ca ngaan cia. Maiza ca niit liliva’is lisava talikuan, tupa’us bunun ca ngaan cia tu “ lisav”. Maca madangqac ca manququ’is pani’a talikuan, maiza maidusa’ang kini’, tupa’un ca ngaan cia tu “ taikimpi’, maiza masqa’, ua’ maiza takiuc. Maiza ca titi’ti’ saduu’an maca kusbabai, daqat patingaanas bunun tu “ titi’ti’”. maiza amin ca maququin cina mapupusqu’ sala ka talikuan, tupa’us bunun tu “ siza’is’ang”.

台灣有蝴蝶王國的聲譽，它們隨著大地上草樹之花朵的盛開而漫天飛舞，在大地遍野上無所不在，那是多麼迷人的影像啊！台灣蝴蝶種類相當的多，計有四百多種蝴蝶，每一種蝴蝶都有它們可愛的名字。

卓群布農族人的部落，如曲冰、武界，因為蝴蝶相當多，所以族人也為蝴蝶有所命名，但是沒有為全部的蝴蝶留下美麗的名字。

都黑色為主的鳳蝶族有很多樣式，有大有小，色彩不一，我們都稱它們為taqdung。有的如草色（青鳳蝶）我們都稱它們為tacu’，寬帶青鳥蝶，我們都稱它們為dusa’ visvis，vasang大紫斑蝶和淡紋青斑蝶有兩種。條斑豔粉蝶dusa’tikic，鉤粉蝶tamana’，黃蝶bulav，出現圓點如眼睛者（永澤眼蝶）我們都稱它們為mata’，雙尾蛺蝶paatvisvis，網絲蛺蝶kulapha’，箭環蝶mung，長的像樹葉的就話lisav。白粉蝶duqlac，橙端粉蝶taikimpi’有兩種，一種是大型的，一種是小型的，環蛺蝶叫titi’ti’，蛾類則叫siza’is’ang。