朗聲四起

Maca madadaingaz qabas a taqus maikikingna tupa tu:ma amu ka maikikingna asa tu samacqaing is madadaingaz ciin masituqas, tan’a sinbabazbaz nai masimaupas sintataqu madadaingaz a qalinga ciin samu.Maupas nitu maqtu han mai is madadaingaz kitnus, bazbaz is madiqla a qalinga ciin makukuniv. maca bazbaz ca madadaingaz ciin masituqas asatu macicihal tan’a, nitu maqtu macimusqut, ma’asqaz i sinbazbaz nai, maupa’i maca madadaingaz ciin masituqas tutuza tu dangias qanciap ciin taiklac. Maca maupata a, na kanahipun asu bunun, amin tu na tuqumican asu diqanin maliscial miqumic han dalaq nastuti.

Maca tama tina ha, asat dangias taiklac, daidaz ciin sicmang a is’ang maqaipus tatlumaq a bunun, maqasmav kuzukuza,nitu qalmang muskus duma bunun mimis’av quu is davuc, picial amin is inak’anak a hinuzangan, macial amin ca sin’iqumic, pakacial amin is bunun, maca maupata’a altupat nitu madia ca sinhiqin a qalinga, na’u tu natan’as qalinga kinita ca uvava’az maikikingna, maupa’i saduu ka nai is macial a hinuzangas tama ciin tina.maca tama tina asat macial ca hinuzangan pasadus uvava’az, na macial amin ca hinuzangas uvava’az.

Ma ata ka Bunun siduq minaqabas uka’ is paitasan tu na’istaqus maikikingna, uka’ is sipulan, uka’ amin is patasan maqtu sadu’an. anaqat ta’uni tatu nii ca bunun tataqus maikikingna？

Samuqat ma ata bunun makucia macial a sin’iqumaic tataqus uvava’az ciin maikikingna.Qailic ata tataqus uvava’az tu asat macial madungdung palkaciat bunun, nitu qalmang pakahau pindikla is bunun. Minaha’an ta amin is sinluluc’an inita pasuntamul manaqtainga… pislulus uvava’az tu makua ca macial a sin’iqumic. Tuza tu miniqdi ata saipuk is uvava’az, misna han ququm sauhan mintalminduu talbinau’az, maca madadaingaz han tat’acang a, pa’un nai inak’anak tu uvava’az madaidaz tataqu ca cikaupa ka uvava’az ha’an acang. Makusang anai tu maqtu’ang ca uvava’az inita dangi’as daidaz taiklac maqasmav masipul maqasmav amin kuzakuza, na macial ca sin’iqumic. Anaqat mu’amin ca uvava’az nita malmananu, dangias daidaz, maqasmav, matataiklac.

古時候布農族沒有文字，也沒有學校，沒有書本可以閱讀。所以我們會以為布農族並沒有教育子女。

其實布農族人隨時隨地的教育小孩，如做人的道理，布農族人非常重視生活規範；尤其布農族人是狩獵民族，所以利用一年一度的射耳祭給孩子們練習射擊。老年人把所有部落的小孩一樣當作自己的小孩來教育，所以，布農族人的小孩都很優秀、有愛心、很勤勞、充滿智慧。