朗聲四起

asuwa driya, tu temuwamuwan kana Puyuma i, a kemay timul kana datar. kandru kana datar i, mulelep dra salaw matrina dra balenan. kadru a sarumaenan a makatelun tu pinitrauwan. muisatr kantu dinaway na talleb aw temabaw kadri ineine. alla munuma wariyan, alla munuma bulan i, muka lla muribaawa kana datar kadri Butrull. adri paetreng kadru. aw tu uisatray driya tu talleb temabaw i ineine. pakurenanganay tu binesebesan kana bali i, piyaami tu kawang.

alla munuma wariyan i, menau dra udreudrem a kamawan dra daderuwan dra kinakupu. tu trepayaw mudallep i, amau na drenan i Truwangalan garem. nadru na sarumaenan, mukisatran kandru kana drenan. nantu maidrang kanadri na sarumaenan i, amau i maidrang Adulumaw kay Adulusaw marekataguwin. meredek kadru i, idri maidrang Adulumaw penangutr dra dare piyadraya emapiyar i enaenay. padawill tu inapiyaran. mutuwadrenan lla dra matrina. amau tu aukayan paallupa dra mainayan. penangutr dra dare i Adulusaw aw emapiyar piyatimul. adri padawill tu inapiyaran, mudaway lla a marayarayas. aw kadru lla tu aukayan gemusegusa muuma dra babayan.

alla munuma lla amiyan kadru i, marekakadruwan tu pinitrauwan. muka dra makatelun rumaenan aw areetr lla kadru. maradruk i paatayan nadru na maluwadiyadi madrayadrayar dra wadarean. tu kedrekedrengaw tu nirumaenan mukidarean muka kana marayarayas. na maidrang na adri makeser kemakawang aw adri muwai muasall, kadru mubilin kadri Truwangalan.

meredek kana marayarayas nadru na maluwadi i, maya dratu kaadruwan paragan dra ruma. likudran i, kadruwan lla tu pinitrauwan. sadru na museneng aw meresis lla. marengay na maidrang adri inaba an meresis ta palakuwan kema. tu paradrukaw paredalledallepaw paragan tu palakuwan. aw “mukasaya ta!” “murekesa ta!” kema. idru i, a “puyuma” kema tu pauwayan. driyama mingalad dra “Puyuma” na drekall.

kana Dripung lla i, tu asallaw pukidrayayan na drekall. amau na drekall i Puyuma garem. likudran kana Minkuk lla, tu pungaladay dra Nanwang. kemay kana 2010 amiyan pallu garem. makaiwa misama tu ami kana drekall i Puyuma. kemadrini tu nillangan muasaasall kana Puyuma.

Puyuma的祖先來自於南方的島嶼，那座島嶼曾遭受大洪水的氾濫。有個家族，坐上方舟，在大海上載浮載沉。後來望見一座黑黑的形似倒放的飯鍋，就朝著它靠近，竟是一座山（即都蘭山）。他們爬上了山，男長老抓了一把泥土往西邊的河水抛撒，形成了一座大山。女長老抓起一把泥土往南方撒去，形成了平坦之地。

後來遷徏到平原定居，建立了集中團結的聚會所，就是Puyuma的意義，故命名為Puyuma部落。這就是Puyuma南王部落的歷程。