朗聲四起

kahiwan a Thau tatata wa ayuzi a parhaway mashtay ma’ania maparfu, izai maparfu sa Thau a mathuaw mara’in a kazakazash, kahiwan ayuzi a parhaway ya antu ma’ania sa maparfu, antu shduu mara sa binanau’az min’apiq painan. ayuzi a parhaway ya mathuaw ma’ania maparfu mzai mathuaw makushwit thithu, numa shduuiza thithu piaqitanin thithu a taun numa kataunan. izai mzai kahiwan a kazakazash, thuini ya amara s binanau’az min’apiq, niza tu amaparfu.

kahiwan a thau mathuaw mani mashkuda, inai a ayuzi amakathu sa mafazaq kmaparfu, ma’ania maparfu, miazai ya mutantuiza mara sa apiq, izai ayuzi inai mangqathi ayuzi amakathu izai mafazaq ma’ania maparfu mutantu. miahalawan shaunatantu niwan tu miniqilha, miahalaiza mzai paparfuan, numa ya mukaktuniza maparfu, isisuaiza ya miqilha, miazithu tu kahiwan Thau ya mara s apiq, numawan sa Thau kahiwan mashtay minfazaq mapaparfu.

kahiwan itusiwan iaku Taringquan, izai Thau ya amuntua mutusi Kue-khenn, mutusi Tamazu’an, mara s izai Bunuun a binanau’az amin’apiq, mashtay malalawa izai ma’ania wa parhaway muntal mutusi mara sa amin’apiq. mutusi Kue-khenn numa Tamazu’an mara sa amin’apiq a binanau’az, mashtay muntalan makthin a ma’ania wa thau maparfu, makthin, ya manasha makthin larima izai thau ma’ania mutantu muntal izahai izai mutantu mara s izai amin’apiq, muntal mutantu amaparfu.

daduiza ya mutantuiza miahala wa maparfu, ya minaparfuiza isisuaiza ya mashtayza miqilha, numa ya ma’ania ita, maparfu ita ya matunaw, mathuaw thaithuy pakatnur itan sa qilha, pakatnuran sa qilha. numa sa thau kahiwan ya musha mara s izai amin’apiq, miaqay malalawa s izahai ma’ania maparfu.

摔角是邵族特別的傳統文化，是古代的習俗。從前邵族男人要帶著擅長摔角的人去娶媳婦，到達女方家要先摔角，當互相都摔過角之後，才算完成儀式後才喝酒，以前娶媳婦都是這樣的過程。

從前還住在Taringquan時，邵族人要去蕨坑、地利娶布農族的媳婦，會讓很擅長摔角的年輕人跟著去娶親，可能有多達十個，也可能有十五個精於摔角的人，一起去娶回將成為媳婦的人，摔過了角後，若是我們很厲害，嬴了，他們就會以酒來表示認同讚賞。