朗聲四起

thuini isa Zintun a wazaqan niza tu mriqaz sa shanaq, antu mzai Zintun uka sa shanaq, apu Kilash mzai kahiwan azazakuan thithu mathuaw marium sa shanaq isa Zintun a wazaqan.

shanaq ma’ania kmalawa sa zifu, pakuparakin thithu sa ribush a kawi, numa mara thithu sa izai a kawi pinzifu. kahiwan maqa mathuaw manasha sa rizin isai Zintun a wazaqan, izai a rizin mathuaw mara’in numa mathuaw makushtur, shanaq kmalawa thithu sa zifu isai rizin a itmaz, numa mara sa kawi pusai zifu a pitaw, mathuaw manasha sa kawi pusai zifu a sarasaranan, numa sa shanaq kmuruz isa rizin a itmaz. sa thuini a thau mzai Zintun uka sa shanaq, muririw thaithuy, antu miazithu. kahiwan a Zintun a wazaqan mathuaw marium sa shanaq, maqa Litpuun a thau kinalawa sa sazum a qdupan, numawan sa Zintun a sazum makitrutaw. tatata wa rizin shuruzin sa Litpuun, kanuniza shanaq uka sa ianan pinzifu, numawan sa shanaq min’ukaiza.

kahiwan inai zintun a wazaqan maqa iananuan sa rizin, mathuaw marium sa shanaq, numa thau ya pulhalhuzu sa kizuat, ya mara sa lhalhuzu sa kizuat pakuparakin thithu kmaan sa kizuat isai lhalhuzu. mathuaw kabuqnurin sa thau izai shanaq, maqa ya kalhuzu sa suma, izai lhalhuzu ya ianan rusaw pakuparakin thithu izai lhalhuzu. mathuaw kahiwan marium inai Zintun a wazaqan izai shanaq.

日月潭有個小山稱為「Lalu」，早昔Lalu很大，有部落還有水田。祖先追逐白鹿而到日月潭，這裡有野獸、飛禽；湖裡有各種魚，還有肥沃的土壤可種植農作物，邵族曾經非常強盛。古代位於日月潭的邵族部落稱為「水社（sazum a kataunan）」，就是「沙連社」，以日月潭水社為中心的山地就稱為「水沙連內山」，可以通到其他各族的領域。

日月潭比起以前寬廣，有很多人來觀光，有船、商店，我們邵族人卻很懷念以前的日月潭，以前是安靜美麗的地方。