朗聲四起

Thau shuqulhmuzin pitu a shiduq, pitu a shiduq tu Lhkashnawanan, Lhkatafatu, Lhkapamumu, Lhkatanamarutaw, Lhkahihian, Tanakiuwan, Shapiz. kahiwan inai pitu a antu tataal a shiduq ianan thaithuy ananak a pruq. thuini izai pitu a shiduq makunatusi mialhthkizin isa Baraubaw a kataunan.

izai pitu a shisuq tatata ianan thaithuy antu tataal a ananak a palhkakrikriw: Lhkashnawanan masa Lhkatafatu sa daduu a shiduq, Lhkapamumu sa titishan a shiduq, Lhkahihian masa Lhkatanamarutaw pinfazaq Lus’an a quyash a shiduq, Tanakiuwan masa Shapiz a shiduq mindahip az’az a palhkakrikriw.

thuini kafazaqin ita, sa Lhkashnawanan itusi Suma’an, numa Bakialaan, numa Tuanaa. numa sa Lhkatafatu inai zain Thapuduk numa Qabizay, Waqrath. sa Lhkapamumu thaithuy itusi Shtafari shaunatusi Suilikhiin, sa izai Lhkahihian masa izai Tanakiuwan, Shapiz numa Lhkatanamarutaw, thaithuy in’ia’ianan antu la kafazaqin, maqa painan thaithuy a pruq riwayan sa Shpuut, numawan thaithuy mungqtha, mungqtha musai mara’in a shiduq. izai Thau maqa mungqthaqtha numawan thuini muqayza panaqanan latusha wa kataunan, Baraubaw numa Tuapinaa.

mamzai sa Thau ianan lapitu a shiduq, kanuniza muqay ladadu sa thau, numawan sa Thau a parhaway ya amara sa binanau’az numa mu’ayuzi, az’az antu Thau a parhaway, antu mafazaq thaithuy tu sa Thau a lalawa numa kazakazash, ya antu makarishkish minfazaq sa Thau a lalawa numa kazakazash, ya kahiza, thaithuy a azazak antu mani mafazaq tu sa Thau a lalawa numa kazakazash. apiakuzan dai! ya kahiza ita Thau a lalawa numa kazakazash amin’ukaiza.

邵族有七個氏族，古時都有各自的土地領域、不同的工作，袁姓、石姓是頭人氏族，毛姓負責擦手除穢的工作，陳姓和高姓負責過年時教唱過年的禁忌歌謠，丹姓和白姓則負責協助所有的工作。目前所知，袁姓氏族的領域在今天魚池、東光、司馬垵、大林一帶；石姓氏族則在今天的桃米坑、新城、猫蘭、日月潭、五城一帶；毛姓氏族的領域主要在頭社、水裡坑一帶，其他的陳姓、丹姓、白姓和高姓氏族居住的領域不清楚，現在邵族只聚居於Baraubaw與Tapinaa。