朗聲四起

tilkun lhungquz isa hudun numa buqan, ya antu mathuaw shaktun miazai sa paqalhuruz a lhmir, kahiwan miaqay riqariqazan, thuini antu la riqariqazan. tilkun ya kaanin dai shkamukamunin, sa Thau kadadu’un a akaanin.

kahiwan thau mashtay malhalhuiza sa tilkun, numa ya maqitaniza shduuiza karin puqaizu’an thaithuy, pasain qtilha luslus puqtilhaan. numa ya piniazithuiza shanautuan sa izai siu-suun a shnir, piazithuniza puil. numa ya shminpizaiza, isisuaiza ya kaanin, ktalhaiza sa afu, dadu mathuaw maqitan ktalha sa afu.

mamzai tilkun mathuaw maqitan ya kaanin, antu maqitan sa matha. kanuniza ya parhawaywan ya kmaan thithu antu tunnahaz. ya tuqatuqashiza ya kmaan sa tilkun tunnahaz maqa s mita wa tuqatuqashiza tunnahaz sa matha. numa sa tuqatuqash a thau niza tu la sunda kmakaan sa tilkun.

numa ya malhuiza sa tilkun, kahiwan thau ya malhalhuiza sa isa ribush a pazay, ya kinlhitiza isa ribush a pazay, isisuaiza ya malhuiza s izahai tilkun, numa ya makaquliushiza puhubuqiza, pasain thaithuy izai minabuut smabu, numa pashnaran thaithuy. numa ya pinashnaraiza muqtha puhubuq. mathuaw s izai tilkun mara’ira’in, mathuaw ya lhilhiqiniza mathuaw mashpalhapak izai tilkun.

蕗蕎和paqashuruz（土香）很像，吃起來辣辣的，是邵族人喜歡吃的食物。從前邵族種植蕗蕎（薤），可以浸漬加鹽、壓揉，再加入醬筍的湯汁保存起來。年老的人吃蕗蕎會眼睛痠澀，所以年老的人不常吃蕗蕎。早昔邵族人種陸稻，收割完畢就種蕗蕎。當蕗蕎長出嫰芽時，邵族人們用稻稈覆蓋、放火燒，讓它們再度發芽，這樣長出來的蕗蕎會很大，當它們被拔出來時，都是肥胖細嫰的蕗蕎。

現在的邵族人不再種蕗蕎了，如果想吃蕗蕎就用錢去買。