ma rʉrʉmanʉ saliaku, maru a cacihli ama’a tamuucu macahlia tumahlisusulu. maru a cacihli ina’a, tamuucu tumatuturu hla apasamanganʉ ihlaku.

tam langʉlangʉ a amakuna taku’i’iarʉ, pi aatʉ utulu ari muangahlʉ puaili. piamacu, maci uka’a salia kana’ana ia, tamuucu saliana masʉmʉta. ucaniika ta’iarana sapara hlipalava siangusipa, micʉcʉngʉhlʉ, pasamanganʉ aucaucani ta’iarana, kutarakakukua ta’iara mamaini, karʉkʉhlʉ a kana’ana pakiaturu siangusipi a hlicalivana, tumuruturu ihlaku aunini umahlikua cucu’u, karʉkʉhlʉmana kana’ana kiahlahlamu sitahliasusulu a karina, tumahlisasangarʉ ihlaku hla ina’ana. macuaku pi takuliacʉ tʉkʉ ia, tumatamahlʉngʉ kari sitahliasasangarʉ ihlaku.

tamuucu a kana’ana tama’iarʉ, ta’iara mʉmʉa ia, takacicihliisa taku’i’iarʉ, ucaniika marumana maci pasasavasavaʉ, miungucu a taluavaʉlana ari rumahlaʉ, makahlualavaʉ a kana’ana usia pakiaturua hlamasʉ iniciki umacʉka, ahli’aimau apatakuamʉ’aumana ihlahlamu. kuhlaisai, amakuna tamuucu macahlia tumahlisusulu, tamuucu tama’iarʉ hla masavaʉ.

inakuna ia, ihlaisa cacihli mahlauau salia, aariaari a kana’ana marapihli maipuhlipuhli liliunga salia, avavu camai hla hlumahlavu tikuru, rianʉ kana’ana kiacicihli taku’i’iarʉ, kuna kiahlahlamu a kana’ana takuapulapulatʉ, rianʉ tama’iarʉ takuamia ta’iarana, mataingalʉ macalai ihlaku, macalai ihlaku siaiiapa hla pahlumiamia siaiiapʉna, siatuturuisa tamuucu tumamacu hla marucakʉ, kani’i siaricacanina tamuucu hliulavalava kana’ana, kuhlaisai, pakiapuhlu a kana’ana matumuhlu siaiiapa, karʉkʉhlʉ tumatuturu ihlaku macuisa sitahlamiamia, tumua apapapuhla hliaracahliaku. ma kani’i siangusipakuna rianʉ pi sitakuamacua, kuhlaisai, tumatuturua kana’ana ihlaku langʉlangʉ sitakuamia.

takuliacʉ vahliciisa, kukiahlahlamu misaini alalualunguhla, ucaniika tuahlʉ a kana’ana apahluaili tikiku, kuhlaisai, karʉkʉhlʉamu arupakakari, musa pautuhlangi hlipasapukia. kani’ina ia ihlaisa inaku, tam marucakʉ hla tam macalai ihlaku.

kani’ina ia saliaku, tam arukavacangʉ.

在我家裡，有一個非常幽默的爸爸，有一個關心我、教育我的媽媽，還有一個活潑可愛的我。

我爸爸的工作很辛苦，每隔三天才回來一次，說實話，他不在家時，家裡總缺少一份歡樂的笑聲，但他認真對待每一份工作。從來不計較一些小事，他常常用生活的例子來教育我做人，也常用笑話來逗我和媽媽開心。他還非常勤勞，什麼事都是他搶在前面，可是他有些時候又非常懶，每到星期天他都會睡得晚。所以我爸爸是一個幽默、勤勞而又懶的人。

這就是我的家，溫馨而和睦的家。