朗聲四起

siacalaia ina’a tam langica. siacalaia ama’a mʉmʉa tam langica, ucaniika kupakiapuhlua ama’a kari. siacalaia ama’ana ia marinu, rianʉ pakiapuhluisa sikuatitipana. siacalaia ama’anaia angahlahlana sahlumu, maniki micalivicu caihli vulahlʉ rianʉ matahlisau.

siacalaia ama’anaia sihlangʉ, ma ahla’amisanana pitacacuruna masunguli.

siacalaiaisa ama’a ma siangusipa, manikia ama’ana kupakiapuhlu siacalaisa aramuamuarʉaku tumacacurunu siacalaiaisa ama’a. ta’iaraisaka marapihli ta’iara,karakʉhlʉ kupasalia, kuhlaisai maci pipasamia putusu ihlaku umiiapʉ, ahla ruavici ihlaku musa vahlita takuliliungu.

maru ucani ari, puatusua ama’ana ihlaku musa umiapʉ. maru taparana kuamaivʉvʉrʉngana umala matumuhlu aanʉ, amiaku ama’ana “ kaamu mahlacu’aimanai mʉmʉa! umaukia ihlau kumaini! ” amihla ama’ana “ umaukia ihlau, kumita ihlau kuvacukuia masasangaricuaku. ” karia kani’ina, tamuucua apulavaʉ tikiku.

kukucua ihlakua kuamaivʉvʉrʉngana, sapiisa ama’ana hlinutusamahlʉ. ruavicia ama’a ihlaku mukakakua ariatʉkʉrana. ama’ana hlimucaningʉtʉhlana sala’a, talaili kumita ihlaku, tamuucuaku marinu, pasakulai musalasala mahlukua ariatʉkʉrana.

siacalaiaisa ama’ana tam macuisa. maru siangusipa pakipuhlu kuhlaisai ama’anaia pakiaturuaku, hlatumuaku kiahlahlamu ama’ana “ macalaiaku ihlau! ”

母愛是偉大的。父愛也是偉大的，父親不善於表達。父愛是含蓄的，往往表現在動作，父愛是陽光，在寒冷的冬天也能感到溫暖如春；

父愛是泉水，就算蒙上歲月的風塵依然純潔明淨。

父愛在生活中，雖然父親不曾說出他的愛，我深深地感受到了父親對我的愛。因為工作原因，父親不常在家，所以有機會父親都會親自送我上學，或是帶我出去玩。

有一天，父親送我上學。在早餐店為我點了很多食物。我對父親說：「父親，您餓了吧！您也吃點吧！」父親卻說：「你吃，看著你吃飽了，我就心滿意足了。」這話，使我感受到了溫暖。

我把早餐吃完了，父親的臉上都是笑容。父親帶著我往學校走。父親走一段路，就會回頭看我一眼，我覺得很不好意思，就加快腳步到學校。

父愛，是深沉的，是在生活上表現出來的。出於我心底里那份對父親的深深敬仰之情，我想對父親說：「我愛您！」。