朗聲四起

acancancihli cucu’u marumuku takumacu, ucaniika acancancihli cucu’u taruatʉahlʉ takulaicʉ.

macu ma siangusipana hliulavalava ia hlamacahliacu “ uka’a hliumʉngʉngʉ vatu’a aunini maru mavacangʉ hlingua’ ʉ tʉnʉmʉ! ” kuhlaisai piaiaiailiaku ihlaku takacicihli, tumuakia mutuasamahlʉ umahlikua takuliacʉ! marua cucu’u kutarakakua ihlau, kupitʉkʉ atʉhlʉngʉ ihlau, kani’i ucani sasaruanana rianʉ matavilai ihlau hla asapu ihlau, kukia takuliacʉ tʉkʉ, kukia tangi, ta’iaraisaka kupatuhluhlu ihlau.

kukia parapihli takuliacʉna apaʉngʉngʉ, ihlaisa sala’a uamia cucu’u.

apulavaʉ hlipasamangʉna, marapihli marupangʉhlʉvʉ sitakuamia, umaru arumuka takacicihli tapaʉ, paratumuhlu tapaʉ, kuhlaisai, tumuaita mavacangʉ umahlikua takulaicʉ, angahli hlipasasapuana pahluaili, aunana ia iniciki tuahlʉ arahlusuhlusu. “ hlipasatakuliacʉa ihlaisa takuamacua sitakuamia.” kari kani’ina rianʉa cucu’u macahlia, tumuaita mairahlu takuamia takulaicʉna, hliarupakariacu ia uakikirimi sitakuavacanga matingahlangahla, hla tumua takuangahlangahla sipacʉcʉpʉnga, tumua mualualu pakituru sitakuamiakia, kutuahlʉ umahlikua takuliacʉ malitʉnʉlʉ.

umaruamiakia hlipasamanganʉa hlitakacicihlina, tumuakia maruamia hlipaisukahla tʉkʉkiana, marapihli siaravacangʉ matata, pasamanganʉkia! macu maratakuliacʉ ia, atʉhlʉngʉkia, ausikia ihlaku, tumuakia mutuasmahlʉ umahlikua takuliacʉ!

每個人都渴望成功，然而每個人都會遭遇挫折。我告訴自己要堅強，微笑著面對挫折！失敗不是人生的絆腳石，而是人生的里程碑。

曾經付出的努力，為我們展開新的一頁，用自己喜歡的顏色，把它變得繽紛。要好好的面對失敗，從失敗中檢討，這樣才會進步。「失敗是成功之母」，我們應該承擔失敗之果，應對之檢討以求改善之法。並且要有積極的人生觀念，更應該堅持自己的原則，而不應輕易的向困境屈服！當你失敗時，微笑著面對挫折！