朗聲四起

Sakumatu’asay raecus a mainap tu tamdaw, u nu mariangay, maedesay a waway kira “ inap” hananay saan. Tuya cacay a remiad tayra a mikilim tu wama nu kakarayan kira maedesay a tamdaw, suwal sa kapah i matini ku hekal nu pau’ripan, awaaytu ku kadademaken nu maku,wamaaw mamaan saw pakasidemaken kaku i hekal nu pa’uripan satu. Sipasiket hantu kira ”inap “ sananay a surit i ka’uripan.

Malitemuh nira kiya matukaay a tamdaw pabeli han tu “inap”, araw mararid tu wamin ku niyaru’ a mainap, caay tu wamin kadademak ku heni, caay tu kalipahak amin ku nika’urip i hekal.

Litemuh satu kiya cacay a babahi, makanguyus cira, awaay ku ma’ulahay a sicabay i ciraan. pabeliaw nu maku kisu tu “inap” a lipahak tu kisu. Mahaen araw ala hantu nira babahi kira “ inap”, tuna mahaen malingatu tu maainainaptu ku babahi nu niyaru’, caay tu kakapah ku nikasasuwasuwal a macacihi.

Mamelaw nira pa’uripay caay tu kasasu’ulah, kapapadang ku tamdaw, angang hantu nira ku hitay atu karung a pataluma’, a panukas tira “inap” . mahaen satu, lasawad satu kira “inap”. Nika ira ku lipahakay tu “inap”, araw simed han i tireng , malaadada a pararid tu cimacimaan.  Ira inap kaw u sapaca’it nu pa’uripay, caay kaw tatebingan nu tamdaw.  U sapiburibur nu maedesay tu tamdaw a maamaan, anu mararit tu kita , a malamatukaay, a caay tu kadademak, hemek tu a cacay i tawan, halidebi caay kangalay a kapah ku cimacima nu tau’, mahaenay ku wayway nu maedesay, mimaan a raecus a mainap? U sapasamata tu nidemakan atu wayway nu tamdaw a masasumelaw tu nademakan nu tireng, kiyar kinapamitina a “inap”.

Mahaen kita a caay haw kahaentu ka”inap” ku kawas i tisuwan. U pasuwalay i titaan kiyari kina “mainap”hanay a surit, ita u tamdaw awaay ku salipahak sananay a nika’urip , ira aca ku tarahad atu raecusay a nipatatudung kiyari , sisa siremudentu ku nisimsim nu balucu’nu mita, salipahak han akaa kacudah, kasuraecus sakiyari kina patatudungay tina sasuwalen a misuritay a tu’as.

惡者向天神求職，天神將「忌妒」賜給他，原本應高掛牆上、不為人用。惡者將忌妒給予懶惰者與愛說閒話的婦女，使整個村落充滿嫉妒與爭執，人們變得不快樂。天神見狀，命令收回忌妒，但有些人將其藏在心中，繼續傳播。故事告誡人們忌妒是惡的來源，會腐蝕人心，破壞人際關係，甚至引來神的忌恨，因此不應心生忌妒。