朗聲四起

ana swadrekay ko tayanidra na sapalangane ka mwadada’ane, maa ko sa’oalay sii ko’abayane, amanimaninga no ’a’abibayni ka thakada’ane ka mwalengelengece na sa’oalay, molengelengece ko sa’oalay ’athakada’anenga ko palangini, no molengelengecininga ko sa’oalay ka syada’anenga ’ikay ko palangini ta’aesenga, ’ikaynga driyane thakada’ane ’akamolo, akikay tayanini sapalangane molengelengece ka amani na ’abayane ko waecengenga dada’ane ’ayadranga, anamwalengelengece na sapalangane ka tyadike’e na ’abayane.

Drekay zoko ka ’iyakay ko taiyanini, no mabakabakayni na palange ka kyalamelamengane, no nini paamaw. ko ta’acoavanini si lasapalangane ka ko ma’aagae ko ta’acoavanini ka mwalebe, ko ma’alelebe ta’acoavanini ka laowagee sapalangane ka pa’ikay dryane moagae, molebe ko ta’acoavanini.

sapalanganini na talyalalay ka madike’ee ka dwape, ko kakocingaini ka tyapawdro, si laka manimaninga na talyalala ka tyapawdro no sapalanganini.

thakongadavane no sapalanganini ka tyadike’e ko taiyane, no ’alama’atakamyamade ka ikapadoo pasilikayno sikiyawdriso ma’ava ka madraw ko tiyane akiname ka thakongadavane no tasapalangane miyamade ka kyadadanela kimade, lawanga kimade ma’ava ’abebee, lawa kibakabaka, nomasodini ka lawatitaowane, lapabawlo laso sapalangane.

ano kosapalangane miyamade ka makocingay, nikwaname ka swadrekay itidike’e na sapalangane, ta’athakada’ane myamade ka maoane kimade mapasopapaa ’athakada’ane, akikay sasapalapalanganita ko boboane ka ’iyakayngaa ko tayanini ko toloanini, no’alama’ataka myamade ka awgane kini, takaesale mathaai na twacavicavili. no paake twacavicavili no myata ka lama’aka, ka ikapadodoo. kya’adilikimade. ma’akathaai. cecengele kimade ko takaagi’anini ko sakadrosamade.

 

魯凱族的結婚為男娶、女嫁制；只有女嗣時，則行過渡性的招贅婚，即男子成為妻子氏族的成員之一，是母系族社會的形態。婚姻成為階級流動方式之一，階級較高者將會降低身分。部落舉辦貴族婚禮是重大的盛事，傳統盪鞦韆儀式為貴族、頭目專屬儀式。

部落古老婚禮相當嚴謹，從交往、交友、正式交友、探路、訂婚、下聘、結婚，顯示對婚姻的尊重，成為夫妻應珍惜一生。