朗聲四起

akobooane na kobaw ko toloanini ka tasekelane tatyagi’ane na becenge. kongadavane ko booane ka wadali na idaina da’ane ’iyakay na: thakada’ane pa’ikay talocobongane da’ane tikobaw. na sakwadraw da’anini ka wasekele pa’ikay da’ane’adringi ipa’iela tikobaw.

’iyakay nyane na kobaw ka amani nakay kongadavane ko madradrai nyane na ma’akakwanga ami, pa’ikay da’ane syakay na balebale ti’agaaenga ti kobaw, la’ikaii na pa’ikay balate tida’ane tikobaw, ko tapathiyanini ka mamamaw nakay Taiwan na sana’akacaysyane ko ta’a kobavanini, ipa’ielelasawkoa, maka amani na talyalalay na kyaigo’o na coaw ko kobawidra ka tawmomo sakoadraw.

na kobaw ka tapa’ikane tyagi’i na taleke, wadoo kimade syakay twamangesale twamaposale na cavili, ko booane ka ana kobaw ka tapa’ikane tyagi’i na becenge paosyame tai si koai lakamani na sana’ataleke, si nakaynga na zidai ka ipaamaamawnga, ako alraita kitaleke ka tititi’icanengaee, nikwani na kobaw ko toloanini i’angiyawnga ko booane ’atawmomo sakwadraw.

nakayla kongadavane tacekecekelane, bin ko siw talocobongane, ka ’iyakay na kobaw, ikamanimani pa’angoingaw namiya ka sakabaane tayanini ko booane, la paigo’o tacekecekelane na thabathabae na bawbao toloanini na kobaw.

穀倉用來放置小米，表示財富與權力的象徵，除了在室內用竹子設置穀倉外，亦有室外另行設置，權高貴者的穀倉較平大。穀倉在過去，穀倉是存放小米、稻米、芋頭、芋頭乾等食材，社會型態改變，穀倉存在的意義也大不如前，穀倉在多納部落完全消失了。

現在在多納部落的活動中心前有展示傳統穀倉，除可供族人回味以外，也讓部落青年認識傳統穀倉。