朗聲四起

Taiwan na sana’akacaysyane ka bekebekele na coaw ka zoko, dodooininga pa’athingalane na angisaniname ko taiyanineme ka amani kikay lagesiname ko bobooane, swadrekay taliyadradraane no ma’akacavilinga na mangesale sikaseasane na dramae maposale sikaima na va’iyane, ka la’ikay kiname driyane tilegese, amani kikay ’apobakaname ka thakongadavane tapakadrawanemya.

tapakadrawane ko ’ielane ko patoloini ka mabeabee na pelenge nakaycicavili na sabalibalini ange’ita sadodoko’ita iotokoso na takakwacane mokai lakamaninga kita masolivate ’ahi’ang.

ko ikocanita twacavicavili ko sana’akaysyane ka lapa’ikay driyane ko va’iyane kitobi na pelenge ’oalranga ’angico’olo, doonga ’awkay na babaa ’awkay tacekecekelane ’abebee, kitobi na pelenge doonga ka sakabaane makanekane ko kitalekini, ’angiyadraw na sana’ataleke tiboo dida’ane pasopaa no biilanenga no ’akamolini tyange’e paebaebate na da’olo, nokoli’ini doo na sadoko’ini na pagay na sana’ataleke cebe’e ’atawmomo, doola’angiyadraw kitaleke doo satatalekane.

tapakadrawane ka’ iyakay ko tayaniname ka sakaabaane. no kitaleki na me ka pwasoalopo kiname ko talyalai name. ko kiswalopini na talyalalay ka laba’ay na mati’awbo ko ka’olini, kiname ka thakongadavane ka maowane ko kaneiname. ’ikayini ko aname na taleke na bee ka lakaesale kiname maba’aba’ay, ma’apasopapaa kiname ’asaseane ko kidredreminame.

tapakadrawane ka takaabebeane, makilibalibake, latilegase kiname maigoigo’ane ka sakabaane, ko’ iyakikay balate ko valavalaki name. la kaesale ’awkay ’abee takapaa, ma’oipanga kikay legesitanya, kitobi na pelenge ni balibali nakay tacekecekelane, cengele na takaabea beane.

多納的魯凱族，每年有一場盛大的豐年祭典Tapakadraowane。就是感謝神明一年來在農事耕作期間的保佑，不致碰到傷害及咒詛而順利平安。而過去農事期間所有的禁忌也在這一天向神明請求解除，並准許外族進入部落一遊，祈求全家平安、部落風調雨順，此乃舉行黑米祭之緣由。

多納部落是共享之民族，我們會一起共享收成美好的果實，充分發揮原住民人的互助合作精神。豐年祭有感恩、惜福之意，藉由豐年祭的舉辦，讓在外的學子參與即將消失的傳統。