朗聲四起

kobooane syaoo ’awcaw kongadavane ’ongsinngi ka kyaigo’o ’angico’olo nakay Taiwan, ’iyakay ko toloanini ’isadraya kita i’apobaka, kyabalay madraw na sakalabeabeay na baka.

kongadavane ’ongsinngi ka tasilikaanini moboale aminakay ko babaka, kobobooane ka ’iyakay ’asaseane na isapalanganela na kyaodrase na maodrange na sa’oalay, la’ikay egeege tawmoma thoade’e ’adrosa na mamitee na beke’e, la’ikay tacekecekelane ta’adrosa na tyatina, cengele madalame ko thade’i ni ki tawmo,bebeke’e sopakidredremenga igilane kamaninga mwa tawmoma ’apobaka nokae’emi kiname sapalangani mosoa, ko bicingini ki tawmo ’iyakay na coaw na nokibaka amya sapalangane nakoamya ka, lakabeabee sawkoa, lasapalangane ’angiyao ko sakakai, lacocolo ko beke’ini ki tawmo mabeabee ’angitaleke.

masongidranga ka tasyaekenga laya ki lama’ali ka la’apobaka tawmane myanakay, moalakoso balate ’oadra’adraw namoseneketela nakay tasyaekanitamya, ki lama’ali ko maseneketidranga ka lapaya ta’avangane ’abebee wamece ko cococlini ko bebeke’e, twanange tawmane ko thade’ini bebeke’e.

ki lama’ali ko ’abebeini ka la’akolodro ’ayno swalaa’ini mitiya ki tawmo laya, komobaesanganidra ka, lananavane isikodrakeale paagele swala’anga miya twa’ipaa ki tawmomya, nikoani ko drakeale aacilay lakaapa’a mo’ananavane, lasilikaynga driyane ’abwale kongadavane na ’ongsingi.

siibatini na sebee ka, madraw na da’e si enege swadroko nakay tabawlane, patikwace kongadavane ’ongsingi, booane ko ta’ikanimade ’aangi na acilay si ’ababanaw na ’ongsingi, amiya na tabelengane sakaagi’ini ka lakadrowanga, laninga tawadraw na da’e si enege seepe tabawlane, la ka’agaenga drakeale ’iseepe, na babaa si lawcocoaw ladoo dwavadavace ’ikay kongadavane ’ongsingi bwalane, mwa sebelebele, cengele na saka’ielane na tacengecengelane.

以前，有一單身、頭髮已半白的老先生，在山裡養了二頭肥豬。村子有二位老婦女，看中老先生的豬，主動提議嫁給他，於是照傳統習俗，殺了豬慶賀。到了入洞房之夜，老婦女帶著已殺的豬逃跑，逃跑的途中，故意在溪流小便，結果整條溪流的水熱起來，非常的燙，從此多納溫泉就這樣誕生。

風災後，土石毀壞，河床變高，遊客能徒步走過多納溫泉遺址，進入「鬼斧神工峽谷」入口，看到另一種不同的自然景色。