朗聲四起

thenainame ko boboboane sapa’athingalani name ko tayaniname ka sakabaane. pa’athingalane ko boboboane na lrikisiname, ko igilanini ko syaoo, thenainame ka kacaysyane ka tyadike’e kiname sawkoa, syakay kiname na thenay pa’athinglane ko kidredremi’name. si igilanini ko syaoo ’awcaw.

swadrekay ka saba’ayninyane na pelenge maygili thenay, kadroa ka ’enggake ko satongatongidra, amanimani syakay tolo’oanidra syakay ko lalakidra pa’abwale na ma’ielela na sathenathenay, thoaingolo egeege thenay thenayni ko bobooane.ako thenaidra thethenay ka maowane na sikace. kamolo, legese, ko toloanidra, maanakay sikacita tisoagi’i pa’a’ibo na ’ongpo, no pwagaini aimayni velevelini bwatini ka sawkoa kimade kangdo, no thenayni ka ipamamaw ko toloanini ta’athenaanidra, ako thenaini ko ’imini ka sawkoa makocingay ta’athenaanidra, ma’ielela ipamamaw, amani ko tasaka’ielanini ko toloanini maigili demedeme.

kongadavane ko thenay name ko boboboane ka ’iyakay na legese na thenay. ’iyakay na sa’avavaane. ’iyakay na saka’ava’ava. na sapasasolibake ’iyakay na sapalanganimade. si wavalavalakane na thenay.

sathenathenayni no ’akamolini ka, amaanakay sikacita ko taiyanita syatithenay, no ’akamolini ka ’iyakay na sa’akamokamolo na thenay, kitalekini na thenay na siibo’ini na thenay. saka’ielane sawkoa. kiname ka drekay talyadradraane ka amani maninga na thakongadavene ka pa’ingcegela ecenge sobiili thenayin ko bobooane pata’athay sesane.

古調歌謠是原住民族重要的文化表現，承載歷史與祖先智慧，能傳達情感與生活經驗。魯凱族以自然歌聲展現多變唱法，無需樂器伴奏，歌詞深具意涵。歌謠內容多與生活、工作、祭儀相關，融藝術於日常，展現深厚文化底蘊。多納古調歌謠分為儀式音樂、休閒音樂、情歌對唱、婚禮音樂及童謠等。祭歌多在戶外集體舞唱，酒歌則在室內宴飲助興。耕作時有鋤作歌、收穫歌，樁米歌，與魯凱族的生活緊密結合。