朗聲四起
113 年全國語文競賽臺灣原住民族語言朗讀文章 【南勢阿美語】 國中學生組 編號 1 號
sapal nu tamurak
Ira kiya mitenunay a limucedan, araw taynian nu maeberay a ayam i sasingaran nira a micekaw, maamaanan a mibahuy caay tu pilaliw, sametek han a mimelaw, araw u madukaay ku cepi’ a ayam. Sakalamkam satu a pa’iyu a mitabu a misakapah a mibetbet tira dukaan, kilimsa tu haku tu sasaluma’an nira ayam, saremiremiad han nira a pakaen, a midiput.
Caay ka tenes, mahadeng tu kira ayam pabaher han tu nira kayngi, palikul han nira a semuwal“sakapah han ku rakat a mimelaw a mikilim tu wina, pisamelamelawi tu, aka tu katulu’ ari maduka!” Hay, sa kira ayam a micemek, sulinay caay kangalay a miliyas kira ayam. Tu liyawsa nu remiad, mingitid tu cacay a sapal nu tamurak a tayni, sipaluma han nira kayngi. Sulinay tangasa satu nikaruhem nira tamurak, pela’ han nira kaying matu :mes nu ekim ku lalabu, caay pasuelin miliyaw aca a mipela malecadtu, malasipidaay tu kira kaying. Sulinay ira kiya raecusay ku balucu’ a babahi, simelang mahemek, mainapinap aca, lepel hantu nira kiya ayam, pateng han a mipetek ku cepi’ nira ayam hacuwa ku adada. Araw paceba han a mibetbet a mitabu kira cepi’, sipaberet han i kawnay a mihadeng tu duka.” siruma han a misimaw. Kaw suesur sahen bahbahan tu kira ayam a mibahuy. Pasuwal han kira ayam “Uli, pisuemi tu sapal nu tamurak a tayni hantu!” Malilil hen pacici’tu kira ayam a marebahuy a miliyas. Sulinay caay katenes, patiwal satu a pabeli tiya maedesay a babaniyan tu sapal nu tamurak, sipaluma hantu nira babahi i hinasera. Ira raecusay ku balucu’ a babahi, tangsulsa a misimsim, kay malasipidaay tu kita sakiya i, papayi’ satu a micaliw tu pida a palasawad, caay tu kapanukas ku nicaliwan i tawan, tanutadah satu, sulinay maruhem tu kira tamura satu, sakalamkam satu a mipela’ a mimelaw, mabiyarawtu pihacengtu ku debit a makamelaw, kiya awaay ku masaekimay nu sapal saan a lemuwi’ a semuwal. I matini litemuhsa a masadak kira adidi:kay a matu’asay, sipasuwal hantu nira babakiyan “hanima tadamaanubay! U sapitulun tisuwan kini, caay pakaala tu ekimay a sapal, ira nika adihay nu tadah nu misu, u sapalulul i tawan.” Hantu !
113 年全國語文競賽臺灣原住民族語言朗讀文章 【南勢阿美語】 國中學生組 編號 1 號
南瓜籽
一個善良的姑娘與一隻受傷的小鳥的故事。姑娘細心照料小鳥，並在放飛它時叮囑小鳥回家後小心。小鳥回報她，送來一粒南瓜籽，種下後竟長出滿是金瓜籽的南瓜，使她成為有錢人。相對地，一位心懷嫉妒的壞女人抓住小鳥，粗心地包紮它的傷並放走，並強迫小鳥帶回南瓜籽。當她種下籽後，並未收穫金瓜籽，而是跳出一位小老頭，警告她貪心將帶來債務和災難。故事傳達了善有善報，惡有惡報的道理。
文章資訊
文章年度
113
文章編號
1
文章組別
國中
文章語別
南勢阿美語
族語標題
sapal nu tamurak
漢語標題
南瓜籽
文章作者
張美妹
漢語摘要
無