朗聲四起

Kay sulrau sunaganane pasipalrata, palra ki ngudradrekai.

lupelaela kay talialalai kunadruma, yakainga sakavaivai sakamaungu, lakikela ki badha ku talialalai, sakataicengecengane sakamaungu, laapecenga makanaelre ku lacekecekele, lakilalra ku talialalai maralealeale wadadange ku laumaunase, ikaikalatadrane langituluku si katuase, lrakuthulu mulatadre, nau drele kalatadrane saiya, alangidrakale ku laumaumase ladadange si kakiucu ladrele masiasirare, ku babiabila kilaumaumase, langisalriti ku drusa ku maadrau ku sulrau, lamadaudaulu ladrele makanaelre, lathingale makanaelre kikaiwapece, si kakadadula kay laumaumase, singibadhane ka wakela taulri ki talialalai tamalra ki talialalai amia ku tangipapadulruanelini, kiasubulrubuluta ki yabelenge, lasikaulu ki sulrau, si ipalribulumitane, lamaiyai ku laumaumase, kikay sulrau kaikalaumasane puku ki yabelenge laiyasi mapelaela ku lrikapangimiane kuini ki drusa ka sulrau.

lu kauriva ku talialalai, amiakay amani kay sulran, naitara kaututapacai makanaelre, tualai kaykameane, drela kay tangimiamiane, kay ki sulrau laisiretesaneta liniane ikatharangeta lumuinuta ki druanga ipalribulumitane, sulrau kaitalriya, liniane tualai kaiyameane, isunaganeta pasi palrata laka papalrata palralrauthu.

lakamani kikaisulrau, palrata niyane, kaidu papacapacai, luikaiyane taidridringane, suabulrubulrumadu, ludrelane adravane satulrisisisianata, kuidra dane ki barakalai yakai ku palra palribulrihulu, kay asasanenga kay talialalai tuakucingalre ki palrata kasulrau yakai ku lrekeme yakai ku lrigu ki palrata maiyaiya laarakai kaipalrata papacase ki laimailini arakai kay palrata pathingale ki danelini, lakathimithimi turamuru kay palrata, kaidu arakaykai cacapaunge kaidu kaipurairaisi ka lakaukaulu, luka talialalai karaedre ka suadavanane arakaipathingale ku takamanemananelini kai asasanenga kaita tuamanemanenga, ludrelane ku kiaparaisi, kuni tusuasulravane ku lamanemane, ai taingeane ku sarakaikaiyane, mausakesakene taingeane ka makucingalre ka kakudhane ki cerele kasarathudane ki cekele, malisi sidrekase kanitukakudhanane ki ekele

 kay palrata maadrau ku sarakaikaiyune patuthingale ki talialalai.

魯凱族稱百步蛇為pulrata，是夥伴的意思。傳說在很久以前，有一群在路不明的敵人，來刺殺魯凱族的頭目，在準備攻擊時，睡在屋內的人突然聽見，庭院有呻吟聲，頭目立刻到外面查看，他看見兩條百步蛇圍著呻吟的人，原來是被百步蛇咬傷。

頭目集合族人，當眾宣示，百步蛇是魯凱族的救命恩人，不得殺害，永久保護，明定為魯凱族的勇士，是pulrata（夥伴的意思），為了要紀念百步蛇救命之恩，建築上、飾物上都將百步蛇作為頭目的象徵記號。