朗聲四起

kay silu ki Ngudradrekai, amani ku makuciacingalrenga, ku laububulu, ki tacekecekelane, kay silu lakasapatuthingulane, ku lrigu, puku, takasaniangane, ku tacekecekelane, laka sakatharithariri, niabulruane, laikai ku puku, laka sangirageragelanane sikathariri.

Lungiragelanane, kay silu sapatuthingulane, ku takaumaumasanesu, lungiragelane, manemane kay silu, makaelaela ku tapiapiane tulaububulu, yakai ku sakirerethane, vicelre, lridingi, kalathe, wapacase puakilaimai, ai  kay sakirerethane, lridingi, kalathe, pinasikaiyane ki labaibai, laububulu ki labaibai, lakaidu kiparairaisi ka sawvalay kathane kay vicelre luki taniane ka sawvalay, ngiaragelanemadu, kay silu laka sarakaikaiyanemadu, ngiragelane lulrimuane ki rarukudrane, luikay ki marudrarudrange tarangiaragelanemadu sisiilu, lungiragelanemadu, sisisilu taingeane ka sausausakene ki palrapalra. lulrikarudrangane, si mathaethareve lukamakucingalre ka silu, taraarakaimadu ka sawvalai, tusabadhane, ai kay silu taidrusane, yakay ku sarakaikaiyane ki taliallalai si lakaukaulu, ku tamakaelune ku sarakaykaiyane ki talialalai, thathuvukane amiamadu, ku sarakaykaiyane ki lakaukaulu selrege laiyamadu, lukacaemane lakivivigi ki taraivigi, lupaulraulraumadu ku silu lupaulraulravane, langepase, laiyamadu.

Kay silu niabulruane ku tatualadhane, yakay ku lrekeme ki silu, yakai ku puku ki silu, luikaiyane, taidridringane, kaidu siasilisilu, lusisiluane, kiamalra ki aidringanedu, luka ababai waciu ku silu, kaidu waciciu ka sauvalai muabelagemadu, langulrekemane madu ka sauvalai, kaingudradre kai,  tuakucingalre turamuru, tulaububulu kay silu, lusasiluanane, maesaesaesai kiaiyamadu, lakipusamulramadu, ai kaiasasane, tuasiubaingata kay silu makalranga kay nidarepaane, lakaidu thingalenga ku tengatengane kaysilu.

kai silu, nyukai ki ngudradrekai, makucingalreturamuru sapatuthungalanem ku lauhuhuluki ngudrudrekai, ludaarepeta ka nyudradrekai, tarayukai, ku kakudhane kaidukiaparaisi cacapange.

琉璃珠是魯凱族重要而珍貴的家庭財產。琉璃珠代表榮耀、權利、階級、財富、守護、避邪等。琉璃珠在服飾上的裝飾是象徵持有人的身分與地位。琉璃珠也是婚禮中重要的聘禮項目，同時也是慶典上華麗服裝的最重要飾物。

琉璃珠依據階級的分類，有貴族琉璃和平民琉璃兩種，其中帶有綠色華麗的琉璃為貴族所有，單色的琉璃則為平民所用。今天很多人把琉璃當成商品來販賣，市面上的琉璃有多數是新的產品，真正古代的琉璃已不見。