朗聲四起

Thau a Hanaan isai suma wa thau a qbit, ya tu suma mzai “tanatuqash a taun”, “aki a taun” numa “mulalu a taun”,

Thau a kazakazash sa pulalu sa tanatuqash a aki, tmara sa az’az a pruq ianan sa numamuma wa tanatuqash a aki dai.

Hanaan mathuw a’ianan, Thau mafazaq sa tanatuqash a aki apinbahiwan, numa lhai sa Thau a azazak numu qumqum makalingkin.

shaunatusiza sa makashpashpat shapat a qali sa Thau kmalawa sa Hanaan a qali, kmalawa sa Hanaan sa ayuzi a palhkakrikriw. Thau a Hanaan sa minbun a Hanaan, minqarayza shaunatusiza kurubuzin sa Hanaan numa Lus’an pangqaiza dai.

Thau mara’in a tanatuqash a aki isai Lalu a parakaz sa ayuzi a tanatuqash aki, numa tatata wa Thau ianan sa naur thaithuy a shiduq a tanatuqash a aki, az’az sa ayuzi a tanatuqash a aki, numa muqthaiza sa tatata wa taun a tanatuqash a aki.

Thau a Hanaan pianan sa lhikish, numa taun a tanamuqtha pungqaqaudin sa numanuma wa pazay a kakaanin masa lhkaribush a puqu, miazai u’araan dai.

ya kinalawaiza sa Hanaan, tatata taun a Ulalaluan asaasiniza shaunanai, numa pinfuraz sa qmu a binanau’az, numa asmaas mani sa tatata taun a qmu shaunanai, numa pusai washu, miazithu ya tu suma, amuqtha piaruruun sa latusha miazai sa mapuzipuzi wa qmu, alhai sa Lhkahihian, Lhkatanamarutaw latusha shiduq a Ulalaluan apulalu.

kmalawa sa Hanaan numanuma wa aniamin sharaqian antu la tataal, kanuniza untalan qali a minqthaqtha, numa pararibuqan sa suma wa shashumshuman, a’ianan sa Hanaan numa puilin sa Hanaan amathuaw mabara.

邵族為泛靈崇拜。農曆八月四日是蓋祖靈屋的日子，是男性的專屬工作。會以木頭做支架，約有二坪大，有一個出入口，屋內燒一盆火、掛著毯子及擺一缸酒，用意是請祖靈享用，屋前擺艾草，掛上五穀食物及獸骨屋表示豐收。

邵族其最高的祖靈為在拉魯島上。祖靈屋蓋好後，各家的公媽籃、日月形狀麻糬會被送來此地，還會另外準備二條白鰻形狀的麻糬，專供陳姓、高姓兩家公媽籃為祭祀之用。隨著時代變遷，祖靈屋的存在與保存面臨挑戰。