朗聲四起

Adihay ku paysinay a demak nu Pangcah i ayaw. Saku matu’asay, anu malingad ku lalabuay nu luma’ a tamdaw atu labang i , anu baesingan ku cimacima nu tamdaw, caay kaw kapahay ku lemed, sidemak aca saan, sisa masatuku ku lingad lihalaw a sidemak, a papitaelib tu raecusay a lemed.

Anu mitaelib ku mabana’ay a mikuwami a mabaheray a ayam i aayaw nu misu, a mimukmuk i semusemutan a cacaay tu katahekal, caay kanca u raecusay a lemed ku mahaenay saan. Ina matiniay a nipacekil i, U pabana’ay anu tahekalay ku laluma’an, araw a cacaay tu kananukas saan a milalang tu tatahekalay. Matiya mibuting, talalutuk a miadup anu makamelaw tu misuayaway a mikuwamiay nu ayam, a kapah ku lemed anini a remiad a dihay ku tama’ saan. Akaa, raecus a papayi’ sa a minanuwang a misumad tu nipasapur nu ta’u, a paenip i umah nu tireng, u tadapihacengay a paysin ku matiniyay a wayway.

Anu simakapatayay i niyaru’, a pacena’ a masatuku tu liyumah atu demak a min nu i umahay, a pacabay a panahay tu makapatayay a luma’ tu pina a remiad saan, anu caay pasuelin caay kanca kabadi’ amin ku nipasapuran sa kiyari. Anu matengil ku suni nu tu’ul “kuu” saan i lalikul nu paluma’an, u pabana’ay tu simapuyapuyay nu lalabu nu luma’ i tila sananay, ira mapuyapuyay a babahi satu a raecus a temireng i panan nu luma’, araw a caay pakasubuc katahekal ku wawa saan. Sisa pasuelini tu suwal nu matu’asay. Anu lra ku mangalayay a misaluma’ satu , i ayaw nu nipisaluma’ a milabin i sasangaan tu luma’ ku silumaay saan. Anu sinikataletihan tu nanum, ira nipatireng tu luma’ caay kanca kataelib nu lelesi’an. Anu kataletihan ku nu lamal i, caay kanca kasidemak tunu lamal a makayluh saan. Mahaen kiyari ku nipabana’ nu tu’as ititaan, sisa pasuelinitu tu suwal nu tu’as yusananay kiyaril. Ita aniniay a wawawawa pisatengtengili:tu tu nabana’an atu naripaan nu matu’asay i matiyahen. Patalikuli a misimsim saw? Anu mabana’ tu sapatenas tu mapatayay, patata han tu cacayay a tingalaway nu epah, icep atu bila’, pateli han tu cacay nu tabaku, i karimucu’ nu liklik, tu sapabana’ tu balucu’ nu tireng atu pabana’aca tu ruma nu pa’uripanay, tu sakacaay piburibur, atu sapakalemed tu patata’ay yu sananay a pabana’ i titaan.

介紹阿美族的禁忌和傳統信仰。族人相信某些徵兆能預示吉凶。例如，家人或客人打噴嚏時，表示外出可能會遇到不順；若占卜鳥飛過並消失，則是提醒家人可能無法平安回來。打獵或捕魚時，若占卜鳥出現，則預示豐收。移動他人田裡的秧苗或在喪家期間不陪伴，會帶來災難。貓頭鷹的叫聲被視為孕婦的徵兆，建房前的夢境也有預示災難的意涵。夢見已故親人時，可藉由簡單儀式來表達心意，保求平安。這些反映了族人對自然和命運的尊重。