朗聲四起

kiya ku’ ini ta’ ungii’ ka’ wawwaw ru’ itaal. ini mu ungii’ cubalay ’i’ yaba’ mu ru’ suway mu na’ maliku’ ka’ pinglug cami cu’ cunga’.

magalpu’ cu’ imagal ku’ suway mu na’ maliku. magalawa’ ku’ hihihi’ niya’ ru’ ibabawiq ’i’ hiya’. balaiq niya’ cubalay ku’ unro’. atuna magautux cubalay ’i’ hiya’ asikina ga balaiq niya’ ku’ tumimuk cku’ imuwaag niya’ ka’ itaal cubalay.

qutux cu’ riax ga, ikuwing, ’i’ hiya’ ru’ Amuy ni’ Baycu’ ka’ kiya cku’ bih mu na’ imuwaag. maglug cami ’i’ maganaw kahabaag. maganaw ’i’ maganaw ru’ ini baqi cu’ humicuwa’ ru’ “uwa” maha’ minga’ ku’ hanang. asi patagik cku’ ngaquwaq ni’ Amuy ni’ Baycu’ ku’ lubu’. nababalaiqun mu lawwi mitaal ru’ aku pakati’ nku’ suway mu na’ maliku cku’ raqinas ni’ Amuy ni’ Baycu’ ku’ lubu’. apawwala! yani ’i’ mngilis ’i’ hiya’ la. yani uwi capaang na’ waw ka’ lungulungun mu cubalay cku’ tunux mu ku’ hani. sigu’alu’ cu’ na’ suway mu na’ maliku cubalay. ’i’ kasa’angun cu ni’ yaya’ mu ga, manahaylaw ’i’ mataliyum ’i’ makut ’i’ yaya’ mu maha, “laxi sangangi’ ku’ qumisuwan mu na’ kanayril, yani kuwing ku’ aqih ga.” ima’ cubalay a’ kisiliq ka’ papakasa’angun ni’ yaya’ cku’ wawwaw ka’ asin ku’ hani pisa?

mapitu’ lalapuwan ku’ kaal ni’ yaba’ mu cku’ kaal ka’ hani. mahikang ’i’ hiya’. ini kaibabawiq ru’ ini kairarawq. makaquras kahabaag ku’ tunux niya’. asikina ga balaiq ku’ tunux niya’ cubalay na. matimurul ku’ rawiq niya’ asi ga usaying ka’ lamking. baq ’i’ qumaluwap ’i’ yaba’ mu cu’ cunga’. nabakis cuqaang sawni la ru’ yani nanaq ku’ sipaqut na’ qumisuwan mu na’ kanayril cku’ patuwawun la.

ulaqi’ cu na ga, rasun cu ni’ yaba’ mu ’i’ musa’ ’i’ cumbu’ cu’ qulih i’ Tapicuwosi ’i’ kari’ariax. matasiq ku’ gawng ru’ talan mi yaba’ mu ga asi mawp cku’ gawng ’i’ cumbu’ cu’ qulih. asi ga qulih ka’ piyax piyax ’i’ lumanguy ’i’ yaba’ mu. ini ka’ingasug ru’ makasiun kahabaag cku’ siquwi niya’ cku’ hawinuk niya’ ka’ kawbu’. rahuwal kahabaag ku’ cinbu’ ni’ yaba’ mu ka’ nanakis ru’ ciqaw. siculuhun cu ni’ yaba’ ku’ qulih ga sahahiya’ cubalay. kalun cu ni’ yaba’ mu maha’ pasibaqay misu’ ’i’ cumbu’ cu’ qulih. kalawkah san cu ni’ yaba’. lumanglung cu nanaq maha’ tiku waw ka hani ga ima’ cubalay a’ papakaungi’ pisa?

我、爸爸和弟弟過往的趣事是我最忘不了的事。

弟弟今年15歲，黑黑的、個子高，喜歡運動，很調皮，是家裡的開心果，每當我被媽媽罵的時侯，弟弟都會承擔。爸爸今年78歲，身形消瘦。一頭白髮充滿智慧。眼睛像兩顆龍眼。小時候爸爸帶我去打必厝溪射魚，清澈在清澈的溪水裡自由自在的射魚，一下子苦花魚便塞滿了魚籠，跟爸爸學習射魚的技巧叫我怎能忘得了呢?