kasicuayan neka nutjakasizuazuanan tua tjasikavaljut, nu inika mavavua a temalem tua lami, neka nutjakakesain. pai avan a sika nasemturudje aravac a pacayan nua matjaljaljak a kakedryan, neka nukipaquzepai, neka numaqati a kilalaing tjayamadju, quzai anga nupacayan nua matjaljaljak nu kakedriyan anan a mapuljat tiamadju, kipaula aravac a kinakakedrianan.

kasicuayan izua a pacayan nua matjaljaljak kakedriyan anan tiamadju  a vavayavayan a matjelu, nekanga nukipaparangezan, nekanga nu kasizuanan tua sikavaljut, pai saizua a senai a “ a aljak nua pulju” a mayatucu azua senai.

 a~i anga aljak nua pulju naseman tjukez tua luseq a ljemita qadaw sinicusu tua sinavidan ta qaung a qada, maru nakiledu tua kipaula tua kinaikacauanan, ljemita tua lja vengin anga tua ljaqadaw anga, pazangal makakikaljava tua ljiya tua masulem, kinemnem tu kavalanga ljequ kavalanga ngangai i kalevelevan, nu tja masulem tja mezangal a zemaing nu tja salilim tja papuljat a semenai kakipapuljat tua varung.

kavalanga a hana a qungalj (kavaluan) i vavaw ta djeljeqi, nutja vucelelj nutjasekuya tja valeljevelj tjananguaq a vinangaljan, nutja sekuya nutja calisi tja kezeng a qinapuluan, kinemnem saqivu a kavalanga maru vuljau a maka panapana nukakuljikuljian anga nua zaljum nukaljauraman, tjara kitjaru pacai a kisusu tua pana pasa quvulj masa pakiljivak masa kiqaqav tua nasi nimadju, kavalanga tumaqati a tja nasi a kiparu cuqu a kasiw kumalji a izua semqas kumalji aizua venceluq a kemapalak kumalji a mapasaqetju satje peluseq a qaung a kipaula, kumalji a maru karuquan nua liyaw a qaciljai a tjagulj, saka mabuljaljic saka macedap saka mapasaqetj a pedjamuq ulja kamayan itjen a nakiparu cuqu a kasiw itjen, inika sinikakudan a aljakua nu masulem saka ljiya veneve sa kapucemel a piqai lipelipen a napenasaqetju a qaciljai sa veve sa remici sa tja uveleng a qapulu. aicu a senai matu lemangedangeda itjen tua semenasenai a qayaqayqm a maka vavavavaw tua kasiw i cemcemel, ramulju a tjavarung, sadjelu a tjavinarungan, maru namatjeveng a tjakakakaka tua tjakipavala tua kipaula nua aljak nua pulju.

 

阿咿~可憐的孤兒，他們的生命像是哭泣串成，淚水是他們糧食，沉浸在痛苦裡，在每個夜裡，黎明是難等待的。真羨慕貓頭鷹及ngangai鳴叫聲，天越黑，叫聲越明亮，夜越深，歌唱越盡興；真羨慕峭壁的百合花，山越陡峭，根越扎實，天越冷，花更美；真羨慕溪水中的虎婆魚，在河水乾旱之際，拼命追著河水往水原處游，爭取可以活著。

真希望我們的生命像笳苳樹，雖被砍下、被折斷，雖因受傷流淚、哭泣，當受到掉落岩石撞擊，樹皮脫落、樹幹受傷而流血(紅汁)，但隔夜清晨，傷口因長出嫩芽而痊癒，攀附包裹撞擊的石頭，長出嫩芽結出新枝，使樹更茂盛。