朗聲四起

kasicuayan neka nutjakasizuazuanan tua tja sikavaljut, nu inika mavavua a temalem tua lami, neka nutjakakesain. pai avan a sika nasemturudj aravac a pacayan nua matjaljaljak a kakedrian, neka nukipaquzepan, neka nu maqati a kilalaing tjaiyamadju, siaya anga pinacayan nua matjaljaljak a kakedrian anan, paravac a kipaula.

kasicuayan izua a pinacayan nua matjaljaljak ka kakedrian anan tiamadju, saka vavayavayan uta tiamadju a matjelu a markakakaka. nekanga nukipaparangezan, nekanga nu kasizuanan tua sikavaljut, pai izua a senai a a izua a senai a “ a aljak nua pulju” aya:

a~i anga aljak nua pulju naseman tjukez tua luseq a ljemita qadaw sinicusu tua sinavidan ta qaung a qada, maru nakiledu tua kipaula tua kinaikacauanan, ljemita tua lja vengin anga tua ljaqadaw anga, pazangal makakikaljava tua ljiya tua sulem, kinemnem tu kavalanga ljequ kavalanga ngangai i kalevelevan, nu tja masulem tja mezangal a zemaing nu tja salilim tja papuljat a semenai a kipapuljat tua varung.

kavalanga a vuljau a maka panapana nukakuljikuljian anga nua zaljum nukaljauraman, tjara kitjaru pacai a kisusu tua pana a pasa quvulj a masa kiqaqav tua nasi nimadju.

kavalanga tu maqati a tja nasi a kiparu cuqu a kasiw, kumalji a izua semqas kumalji a izua venceluq a kemapalak, kumalji a mapasaqetju, kumalji a karuquan nua liyaw a qaciljai a tjagulj, saka mabuljaljic saka macedap saka mapasaqetj kamaya a venuvuvuvu a meqaca.

ulja itjen a nakiparu cuqu a kasiw, inika sinikakuda inika sinikasuzam a kipaula tua kinaikacauana.

aicu a senai matu lemangedangeda itjen tua semenasenai a qayaqayqm a maka vavavavaw tua kasiw i cemcemel, ramulju saqetju a tja varung, saka maru matjeveng a tjakakakaka tua tjakipavala tua kipaula nua aljak nua pulju.

可憐的孤兒，他們的生命像是哭泣串成，淚水是他們糧食，沉浸在痛苦裡，在每個夜裡，黎明是難等待的。真羨慕貓頭鷹及ngangai鳴叫聲，天越黑，叫聲越明亮；真羨慕峭壁的百合花，山越陡峭，根越扎實，天越冷，花更美；羨慕溪水中的魚，在河水乾旱之際，拼命追往水原處游，爭取可以活著。

希望我們的生命像笳苳樹，雖被砍下，雖因受傷流淚、哭泣，但清晨，傷口因長出嫩芽而痊癒，攀附包裹撞擊的石頭，長出嫩芽結出新枝，使樹更茂盛。