朗聲四起

Semut hananay u sacaayay pitengil a butulan a semut, caay kanca pisaparuparukud tu sasalamaan, rumasatu tastasen ku kamay, ku kuku nira sasalamaan, caay pisamata, pisadimel, pilesimet tu sasalamaan.

Tuya cacay a remiad nu dabak, ira ku nipayubin nu bayi tu sapasalama i ciraan, tarakaw matiya u sulinayay, sulinay lingatu mapacekuk cira, pateli han i sapad mamelawan. Tiya labii’, matengil nira ku suni namaka ruma a kabutian, luwad satu a mimelaw, mamelaw nira masumad ku nipatelian tira “Kunglung’an, mabaha mapacekuk kira semut, araw pasayra i ciraan a remakat, a misatuwatuwa tu nguyus. Besuc satu kira semut a milaliw a mikilim tu mipadangay, ira kunglung satu mikukutu i lalikul nira a mabekac. Caay katenes tumitumian ira kira tayring, bekac satu a tayra tira tayringan, pasuwal han tu nira tayring kira semut i terungtu nu labii’, mimaan tahekal a papayi sa a pasuwal, pataluma’aw nu maku kisu hantu. Tangasa satu kira kunglung, mapacekuk kira tayring besuc satu a milaliw, sawad han tu kira wawa. Imatini pacici tu kira semut a papipadang i rawud, sulinay anu ira ku mabaheray a mipadang i takuwan mamaanay hakiya, sahen kira nisimsim, sulinay ira kiya mabaheray, makakakarayan a maepud, salipahak saan, kawpakamay a pasuwal, kiayawan nira sasalamaan a semuwal: saremiad sa kisu a pakamay, a mitaes, a parukud mimaan kaku a mipadang i tisuwan. Tuna mahaen laliw hantu nira sasalamaan, hacuwaay hakiya ku nikasingarih tu wina, sulinay araw i aayaw nira kira wina, salipahak saan a pasayra a mabekac, “padangen kaku! Ina “satu” semut! caay kisu pitengil tu suwal, sipaberut han ku sasalamaan, caay aca pitengil tu suwal, sapimaan kisu. 

Tangasa i matini i aayaw tu nira semut a misatuwatuwa. “inaaw! A mitengil tu kaku aka’a pibalah i takuwan.  I matini, mapacekil tu kira semut, i tila tu kira kunglung, ira sasalamaan mawaswas tu i hinasera, i matini sakalamkam satu a milesimet, a misakapah a pateli, herek sa matalawtu a miwaswas tu sasalamaan, caay tu pibalah, pipaetiw tu ningkiw kira semut.

一個名叫小草的粗魯男孩，他不珍惜自己的玩具。一天，他收到祖母送的恐龍玩具，並把它放在桌上當裝飾。晚上，小草聽到奇怪的聲音，發現恐龍玩具竟然移動，並被它追趕。小草向警察求救，但警察不相信他；他又向玩具超人求助，但超人因為小草平時對他不好而不幫忙。最後，小草求救媽媽，但媽媽因為他不聽話而不理他。當恐龍即將吃掉小草時，他醒來發現一切只是夢。從此，小草學會了珍惜玩具，不再粗魯對待它們。