朗聲四起

Kiya ka quri uyas Sediq cbiyaw, mwwaluk balay waya kndusan dha mi pusu rrihan dealang dha, kngkingal kluwan uuyas dha, wada kmdudul ppuru mi ppriyux kndusan dha nanaq, miyah pkla ini pntna tntunan kndusan dha, so ka ddiyun dha mqaras smsung ka uyas rmri, ddiyun dha kndusan tmdxral qmpah ka uyas msbarux, ddiyun dha pnskxlan rrisaw mi wwowa ka uyax mskuxul. Uyas mskuxul nii u, miyah pkla pnskxlan dha ka drisaw mi dwowa sediqun cbiyaw, mbbiyax Sediq cbiyaw, rahuq na mttbiyax qqpahun dha ciida, musa msupu mthuy kman kana ka dhiya, prdaxan dha puniq harung ka pssliyan dha, encuun muda pclokah ddaun mi encuun muda pphulis rmnaw pprngaw kari, kiya spuda dha nanaq lnglungan dha, mssriyux muyas uyas pnskxlan dha, uxay uri u mlubu lubu miyah pkla sa wowa ima ka skuxlun na. Niqan kingal waya dha mdakar ka Sediq, ini burux mthuy ka risaw mi wowa, asi ka mrrahul mthuy pprngaw mi ppuyas, ana nanaq mskrabi mthuy mi mtaqi kingal qlapaw u ini tduwa knhmuc ppangal, psaniq mi pndkaran paru Sediq ka waya nii. 

Pndkaran waya dha mbbiyax Sediq cbiyaw, manu ka drisaw mi dwowa Sediqun, ana nanaq mtduwa msupu muyas uyas mi mpphulis rmnaw kari, binaw ini asi puda baraw rmngaw sa ima ka skxulun dha, msiqa mi mliying hari lnglungan dha, kiya spuda dha kari rmibaq mi lmubu lubu miyah tiliying hari pkla lnglungan dha.

Kndusan Sediq cbiyaw, pwwaluk balay kndusan Sediqun kddiyax ka uyas pnskxlan dha, so ka mthuy ppulah mpprngaw rmnaw kari, mssnuul muyas mi rmri, pkla lnglungan skxlun dha mi ssaan dha smrai, smku lnglungan mi tlliying hari lnglungan skxulun dha ka Sediqun, spuda dha uyas mi kari rmibaq pkla lnglungan dha ka dhiya.

戀愛歌是賽德克年輕男女用來表達情意的歌曲，從前的年輕人們會在農忙之餘的夜晚聚在一起，即興唱著各式的戀愛歌，或吹著口簧琴來表達男女間的好感。在waya制度的規範下，賽德克族的男女青年，雖然可以公開一起唱歌和說笑，但是不能公開向某個男人或女人表心意，只能含蓄地透過歌謠和樂器表達心意。

傳統生活中，歌聲幾乎與日常生活融合在一起，舉凡休閒娛樂、舞蹈伴奏、傳遞情意、甚至求婚的場合，都會以歌聲傳達內心的感受或想法。