朗聲四起

Hmniti pnngalan kari ka rdrudan cbiyaw, ana nanaq pndaan dha krkari mi ptpatas, pusu pnrdingan pnyahan kndusan Sediq cbiyaw u kndadax “Bnuhung” sunca, knbrawan dwiyaq nii u mtrul kingal kbkuy maspat tnexalan. Kndadax spac kbkuy kngkawas msngari ciida, alaw ini knbaka ka nniqan dha, kiya wada kmdudul thdil Nklaan Hidaw dnii, kiya wa mniq alang tmpusu mi alang tnhdilan saya ka dhiya.

Alaw ini pntna qntaan dha kndadax alang nniqan dSediq, Sediq Tgdaya mi Sediq Truku u ngalan dha sa “Pusu Qhuni”; Sediq Toda u ngalan dha sa “rmdax btasil.” Ana nanaq thnganan dha pusu qhuni mi rmdax btasil, hangan nii u kari rmibaq kana, spuda dha kari rmibaq nii miyah smnru pusu pndringan pnyahan kndusan Sediq cbiyaw. Hnyuwan na u mdka btasil mi mdka qhuni, uxay uri u encuun rmdax qtaan ka btasil hiya, kiya ngalan dha niqan Utux mi mrtasaw nniqan, nasi muda mkrabi mtaqi lhngaw hiya ka emptmcamac, asi ka tsesu mi psteutux ka lnglungan dha, asi ka skari kari rmibaq ka dhiya uri, ini tduwa pskuraw rmngaw kari tmhri mi kari psaniq, ini daw muda pksaang mi pkdira Utux Tminun hiya dsa.

Niqan kingal rudan qridil cbiyaw, mkla sa yahun ku mangal Utux Tmninun daw, spuda na kingal uyas miyah pkla inu ka ssaan na, “Priyux ka hidaw, dhuq ka mkman, wada wada ku da! Prdaxan rdax ka doriq, qtaan rulung srwanan, wada wada ku da! muuyas ka tiyaqung, miyah skaya hini ka sisil, wada wada ku da! Musa ku mSediq balay, muda ku mkraaw ddwiyaq, musa ku pusu pnrdingan pnyahan nniqan rdrudan ta cbiyaw, iya bay chngii ka kari rdrudan mi ndaan rdrudan ta cbiyaw.”

據口傳和文獻紀載，賽德克源於中央山脈的白石山，四百多年以前，因耕地不足而逐漸向東遷移。德固達雅與德路固將她視為樹根，則都達視她為亮石。樹根與亮石是種象徵，隱喻賽德克根源呈半木半石地，且矗立在那的石頭會發出亮光。在賽德克族人的心裡，白石山是聖山，是神靈居住的空間，禁絕鼓譟喧嘩和褻瀆語言，否則將觸怒神靈。