Lukarudrarudrange kay ababay si sawvalay, tara yakay ku atusabaadhane kwini ki amuane rakete ka talilabaibay. lakamani kudra tarasivaga ka kiasikawlu ki taydrusa si pangimia ku puvaga murikay ki labaibay, la singikay ki niake lini si kelrete ku apangimiane ku lrika kaika akapualane apasamaliane si ngiesadhane ku rarukudrane, luka tatulrevegane laturedelane bulri kwini sabaadhane ki kiarakerakete ka tawvaylekete, ladreele ku mareteetese si sakacekele ku talialaalay, ngiamialringa iya si kiaseasene kwini ki makapakathariri ku iluku lini ku sabaadhane si kiraragay makanaelre.

Ku sabaadhane la kamani kikay, lusingibilane sunagane: samulremeane, sakasamadre, samusakenane, sapukidringane, sakiraisane, samucaisane, sapasenadhane, tinueapane, twalalakane, laliane, samucekelane, lre, vagisi, sadavadavace, sabiki, thinilane, bengelray, sasiimadhane, cawbu, abay, saungulane, paysu, pakela ki mapusale ku anguvavaevane pudriadringay rukudru padulru ku ailukane luka taraketane si mua kwini cekele ki daane ki tawvaylekete tulrevege, si dalray.

Ludreelenga ku tarudrawdrange, ku talialaalay, ku lakiacapili si piretesanane, ngimia laiya, marathudu ku laelangane si muanga ki akalringulane ki apacekelane dralray, lu maicekele ala mua bulri kwini ki lrikimalra pwa ki daane ki talisawvalay si kiparecenge, iluku ku acebe lini ku kipailuku ini ki marudrawdrange ini kwini ki alisu..

Mapeaperaw turamuru sana pangimiane ku sabaadhane si makitu kiraragay pasikay kwini ki lrika ladrusa.Ala,kikaynga yakay ku taelane ku tatukucingalane,niange kikay sabaadhane kay paysu, nakadrua,ralaubuubulu,ai mamuamaunga ki drumane ka zuku si dulrunga kipaysu, langiasingikaykaynga ku tapakathathane. La arudrima ku kucingalrane si kwalri silape ngipaapdulru, kudra lrika sabaadhane ki labaibay.Ai,lumua ki kaika ngudrdrekay miakaw kiaduay, lakai ngimianga kudra tangimiamianelringa ki cekele,ki talialaalay ki lakawkawlu, pailatdrenga ku tadreelane,si kai madu kithathengetenga ka pangiatumatumane, yakaynga ki akaneane ki pangipairairangane ku akapeaperavane, lakaidu sidramanga, lamaititaulra kudra natakidremedemane ki tarudrawdrange.

魯凱族結婚聘禮的內容，是依照階級身份地位，由介紹人協助統籌預備，不容絲毫不搭配其倫理情形及利害關係的。

聘禮大致內容包括如下: 入社禮samucekelane、除喪禮samulremeane、致歉禮sakasamadre、尊貴禮sausakenane、飯匙禮sapukidringane、觸身禮sakiraisane、揭紗禮samucaisane、吟唱禮sapasenadhane、木材sakiangatu、搗小米sapasilribuane、長兄禮tinutakane、雙親禮twalalakane、伴娘laali、入境禮 過橋禮samudaanane、起身禮sadrakaalane、豬頸子lre、前腿sadavadavace、後腿cau vagisi、香蕉belebele、檳榔sabiki、花環ratheathe、百合花飾dukipi、小花圈langi、各種飲料saungulane、喜餅abay、男裝sasiimadhane、棉被cawbu、聘金sabaadhane。

若是預備適當，女方家人、親友、部落頭目、都稱心滿意，婚禮必是風光風采無比，一場世紀婚禮，將是熱鬧的不得了。