朗聲四起

Lukarudrarudrange kay ababay si sawvalay, tarayakay ku atusabaadhane kuini ki amuane rakete ka talilabaibay. lakamani kudra tarasivaga ka kiasikawlu ki taydrusa si pangimia ku puvaga murikay ki labaibay, lasingikay ki niake lini si kelrete ku apangimiane ku lrika kaikaakapualane apasamaliane si ngiesadhane ku rarukudrane, lukatatulrevegane laturedelane bulri kuini sabaadhane ki kiarakerakete ka tawvaylekete, ladreele ku mareteetese si sakacekele ku talialaalay, ngiamialringa iya si kiaseasene kuini ki makapakathariri ku iluku lini ku sabaadhane si kiraragay makanaelre.

Ku sabaadhane lakamani kikay, lusingibilane sunagane: samulremeane, sakasamadre, samusakenane, sapukidringane, sakiraisane, samucaisane, sapasenadhane, tinueapane, tualalakane, laliane, samucekelane, lre, vagisi, sadavadavace, sabiki, thinilane, bengelray, sasiimadhane, cawbu, abay, saungulane, paisu, pakela ki mapusale ku anguvavaevane pudriadringay rukudru padulru ku ailukane lukataraketane si mua kuini cekele ki daane ki tawvaylekete tulrevege, si dalray.

Mapeaperaw turamuru sanapangimiane ku sabaadhane si makitukiraragay pasikay kuini ki lrikaladrusa. Ala, kikaynga yakay ku taelane ku tatukucingalane, saniange kikay sabaadhane kay paisu, nakadrua, aralaubuubulu, ai mamuamaunga ki drumane ka zuku si dulrunga kipaisu, langiasingikaikaynga ku tapakathathane. Laarudrima ku kucingalrane si kualri silape ngipapadulru, kudra lrikasabaadhane ki labaibay. Ai, lumua ki kaikangudrdrekay miakaw kiaduay, lakaingimianga kudra tangimiamianelringa ki cekele, ki talialaalay ki lakaukawlu, pailatadrenga ku tadreelane, si kaimadu kithathengetenga ka pangiatumatumane, yakaynga ki akaneane ki pangipairairangane ku akapeaperavane, lakaidu sidramanga, lamaititaulra kudra natakidremedemane ki tarudrawdrange.

魯凱族結婚聘禮的內容，是依照階級身份地位。聘禮大致內容包括如下: 入社禮samucekelane、除喪禮samulremeane、致歉禮sakasamadre、尊貴禮sausakenane、飯匙禮sapukidringane、觸身禮sakiraisane、揭紗禮samucaisane、吟唱禮sapasenadhane、木材sakiangatuane、搗小米sapasilribuane、長兄禮tinutakane、雙親禮tualalakane、伴娘laali、入境禮/過橋禮samudaanane、起身禮sadrakaalane、豬頸子lre、前腿sadavadavace、後腿cau/ vagisi、香蕉belebele、檳榔sabiki、花環ratheathe、百合花飾dukipi、小花圈langi、各種飲料saungulane、喜餅abay、男裝sasiimadhane、棉被cawbu、聘金sabaadhane。