朗聲四起

Yo mamang ho^ kako, micodad i mamangay picodadan, awaay ho^ ko no ding-kiay a sasalamaan. Saheto^ o ‘acocol, o fasiyaw, o hay-li^, o tokah, o paliding, o telo^, o komiciw, o palo’ no safiki^ to kakidkiden ato tatokoden a kang-kang-ki-li.

Yo kaliomahan no maomahay i, awaay i loma’ ko ina^ ato mama^, kami sato o wawa^ i, olah sa a mahaholoholol i niyaro’. Ira ko mi’acocolay, ira ko misalamaay to hay-li^ a macacalicaliw a misatakotakod, ira ko mikidkiday to palo’ no safiki^, aro’en no cecay a tamdaw, kidkiden no roma^ a tamdaw. Ola:h saan kami o wawa^ a misalama^.

Yo cecay a romai’ad to pipahanhanan no picodadan, mikaleto^ ko kapot ako i takowanan a misalama^, tayra kami i soraratan no niyaro’. Tangasa sato kami i, ‘aloma:n to ko kapot niyam itira, cinihawikidan a maemin to paliding to sasalamaan, cokerohen to maraday a sapicikeroh, mafekac a micikeroh, caay ka piloh, o:lah sa kako minengneng, nika awaay ko no mako. Pacaliw han no tihi^ ako kako, maimah kako toya paliding niira. Taloma’ haca^ kako, mikilim to marad o malo sasanga’en to paliding, ‘ad’ad han ako ko kakimadan ni mama^ ako, matepa^ ako ko ha-li-ka-ni^, nika tada dawmi’, caay ka nga’ay a sanga’en to paliding.

Yo kalafian sato, taloma’ to kako nani soraratan, sowal sato ci ina^ ako, “Cima^ ko mitastasay tonini a paetang?” saan. Tarep sa kami a tatolo^ a malekaka^, sowal sa haca^ ci ina^, “O maan to ko sapiradom ako? Ano caay pasowal kamo i, aka ka lafi^, sasangien kamo pakatemireng i papotal.” saan. Itiya, matalaw kako to to’eman to dadaya^, saka pasowal hato ako ci ina^ ako, ta sadak hato ako koya misimedan ako a paliding. To dafak sato, ci mama^ to ako ko patatikoay a misongila’ a misanga’ toya malipowakay a paetang. 

部落的童玩是陀螺、風箏、稻草繩、竹高蹺、輪圈、水槍、彈弓、拉檳榔鞘以及踢鐵罐。

某個假日跟朋友玩輪圈，我迷上後，就回家找製作輪圈的東西，在廚房看見水缸旁的木桶有兩圈固定的粗鐵絲，我認為用來做輪圈剛好，就將鐵圈撬開來，跑去廣埸跟朋友玩。傍晚回家，媽媽問我們三兄弟：「誰把桶子弄壞？這是挑水用的，都不說話就去外面罰站，不要吃飯。」當時天好黑，我好害怕，我就老實說，隔天爸爸把木桶重新組裝起來。