朗聲四起

O lipahakay a micodaday kako. Romakat kako a talapicodadan to romi’ami’ad. Pakayni i codad ko sakafana’ ako to masamaamaanay a demak, tinako “Cima^ ko misanga’ay to dingwa^? Icowa^ ko satakaraway a tongroh no loma’? O maan ko sakahanhan no foting? Nawiro marohroh ko kakarayan? ” sanay. Onini haw i, icowa^ kita a mikilim to ca’of? Itira i codad. Ano malalok kita a miasip to codad i, o mamatongal ko fana’ no mita.

Inacila^, malahakelong kako ato tihi^ ako a talapicakayan to codad, malecad kami a cifaloco’ a micakay to ci-ting ato no kongkoay a codad, ’araw han, o malecaday a ci-ting ko nicakayan no niyam a tatosa^, nika caay ka lecad ko nicakayan niyam to no kongkoay a codad; o kongko^ ni An-tu-sen ko niira, o ni I-sop ko no mako. Ano caaca:ay ka lecad ko nicakayan no niyam a codad i, lalecad saan ko ’aca^. Mangalay kako a misaadihay a miasip to codad, o malo sakatongal no fana’ ako; orasaka o harateng ako i, o nikatayra i tu-su-kwang ko nga’ay.

I laloma’ no tu-su-kwan, ira ko masamaamaanay a codad. O ’ariri no taneng ko tu-su-kwan, o tata’akay a  pi’anangan to masamaamaanay a codad; adihay ko faelohay a codad o nisoritan no cifenekay a tamdaw. O tata’akay a picaliwan ato pinanaman i sapapotal no picodadan. I laloma’ no tu-su-kwan, masariwariwang ko kaitiraan. Maolah kako a malahakelong ato tihi^ ako a tayra i tu-su-kwan a minengneng to codad, tomatira, saromi’ad sa kami itira a minengneng to codad.

Namiasip to kiso toya codad “ O ilisin no ’Amis” sanay haw? Onini a codad i, o mipahapinangay to serangawan no mita o Pangcah. O tadamanay a lekakawa^ no Pangcah i, o todong sapiaray to palemeday, pa’o’olay, pa’oraday, pacidalay a Wama i kakarayan. O roma^ i, o sapingodo^ ita to mato’asay, o sapasifana’ no Pangcah a finacadan a mipalatamdaw to wawa^ ato rarikorikor konini a codad. O kakalimelaan konini, palada’en ako pasowalen ako ko idang ako.

 

讀書可以長知識。我希望我能多閱讀增長見聞，我想圖書館是個很棒的地方。圖書館是收藏許多書籍的地方，一個超大的資料庫，能讓我們獲取各種資訊，也是看書的最佳環境，在圖書館自我學習，沉浸在書海裡。

你讀過《阿美族豐年祭》嗎？《阿美族豐年祭》這本書是介紹阿美族的文化祭典，藉盛大隆重的祭典活動，感謝上蒼保佑風調雨順，感念祖靈庇護及表現阿美族人敬老尊賢的優良傳統。我要推薦這本書，給所有阿美族的朋友。