朗聲四起

kayknwan ktan su’ maha nyux saku’ mn_gaygyut nbkis ru mn_gaygyut yaqih hi’ maku’ lga, sru’ cikay inlungan su’, talam mita’ cikay hi’ mu.

maha i smlaq saku’ maniq, ru ini’ saku’ qbaq mlukus ga sru’ cikay inlungan su’, baqun su’ maha “maha nanu’ kinbsyaq misu’ psbaq sa zyuwaw qani ga”?

maha ini’ saku’ lnglung pima’ ga, laxi saku’ szxiy ru laxiy saku’ ks’angi baqun su’ maha “pira’ iyal wal misu’ skbalay kkyalan yaqu znimu’ maku’ na ppima’ su’ hi’”?

ktan su’ maha ini’ maku’ bqbaqi zyuwaw na tennaw ga, lawa’ saku’ cikay, laxi saku’ psyaqi na yan cqiri’ zmangay. gi ktwa’ iyal wal maku’ spsbaq isu’ zezyuwaw, sawn nanu’ mnblaq maniq, sawn nanu’ mnblaq mlukus, sawn nanu’ mita’ qqyanux su’.

tmrang nyux ta’ mkayal na’ ru wal si ’nxal zmungi’ sa kkayal maku’ lga, lawa’ saku’ cikay lmnglung. atu’ na ini’ maku’ balay baqi lga, laxi ’nkux uzi. gi krhun mita’ na inlungan maku’ hya’ ga, bali yaqu ppkayal ta’ qu sni’inlungan maku’, yaqu smbes su’ kuzing ru mung su’ squ pinqzyuwan maku’ qu spzyang maku’ pqasun.

maha i ini’ saku’ pqmaniq ga, laxi saku’ pqhli, gi baqun maku’ nanak maha knwan qqaniq maku’ hiya’.

maha i ini’ baqi kmal qu kakay mu ga, hwakiy saku’ cikay, krngyan na hnwakan misu’ sa min’aring su’ qmara’ mhkangi’.

kayknwan kyalun misu’ maha ini’ saku’ pqmqyanux lga, laxi t’uqu’ gi pkaki’ qutux ryax musa’ su’ baqun, talam cikay lmnglung maha nyux saku’ yan na sawbih pkpuzyut na rusuk kawas maku’, musa’ baqun lmpuw ryax qnxan maku’ l’ay.

pkaki’ qutux ryax ka musa’ su’ baqun maha ana pzyux balay qu qinzqihan maku’ ga, nyux saku’ si kinllawkah na maha aki’ saku’ hmkani’ sa pzyang balay blaq na nnanu’.

mksawbih saku’ isu’ ga laxi ’nkux inlungan su’, ru laxi t’uqu’ ru laxi si kawzyay, wahi saku’ sayqlah, yan nqu rin’agan misu’ gmyah sa qqyanux su’, ’nblaq saku’ kmyagal ru r’agiy saku’.

當父母年紀漸長、行動遲緩或記憶衰退時，應以耐心與理解相待，不因他們吃得凌亂、不會穿衣或抗拒洗澡而責備，因為他們曾細心照顧我們長大。面對他們不懂新科技或談話中突然失憶，也請給予時間與包容，重要的不是對話內容，而是彼此相伴的時光。當他們食慾不振或行動不便時，溫柔扶持，如同當年他們牽著我們學步。即使他們流露對生命將盡的感嘆，也請以愛與耐心陪伴左右，讓他們在溫暖中走完人生最後一程。