朗聲四起

Misafacoay a kawas no kakarayan, misanga’ to kakarayan ato sera, o ka’oripan no pinanowan a miketon to sowal, roma i, mapafeli to sakatayal a ma’orip cangra. Mahecad komaen to rengos ko siri, pafelien no Kawas to sapi’icay a fitoka; komaen to fao ko takola’ pafelien no Kawas to cicipatay a sema; mihelip to ’irang ko likes, pafelien no Kawas to masalinomay a ngoyos. O manmaan a sakatayal maharek to a misilsil ko Kawas, deng to o kafahekaan a mata. O cecay kapi no mata i, deng o dadaya nga’ayay pakanengneng. Saka itiya i, o ngiyaw ato ekong a malikakaay ko cowa ho pakalayap to saka’orip a sakatayal.

Sakatosa a romi’ad, tahidangen no Kawas koya ngiyaw ato ekong, pafelien cangra to panay alacecay ko dimata’, sowal sa, “Ona tosa a dimata’ no panay o papawalien ho a maemin, alacecay dimata’ kamo tatosa, aka pa’oraden, mapa’orad ho marengaw ko panay!” Matengil no ekong tangsol sa madefit minokay a mafoti’, sowal han no ngiyaw cingra cowa pisikosikol, awa to ko epoc no ngiyaw, teked han to pahadak ko panay a pawali.

Tahira i herek no lahok, mato’em to ko romi’ad a sato’eman sa, matalaw ko ngiyaw ka’oradan, tahidangen no ngiyaw a mamilidong to panay koya ekong, co:wa pikihal, teked han no ngiyaw a milidong, caho kalaheci nira a milidong ko no Ekong a panay, matakop to no ’orad soemet to ko Panay.

Pakalayap to cecay kapi a mata cingra, romi’ami’ad ato dadaya maemin mahapinang nira manengneng ko masamanay a ka’oripan.

講述天神分配動物謀生工具的故事。貓和貓頭鷹姊妹兩還沒拿到工具，天神給她們曬穀子的任務來考驗她們。貓頭鷹偷懶不曬穀子，還睡覺不理會貓的提醒。貓只好幫忙曬並先收起貓頭鷹的穀子。結果自己的穀子被雨淋濕。天神看出真相後，責怪貓頭鷹不但偷懶還說謊，最後將夜視的眼睛給了貓頭鷹，並將一雙明亮的眼睛獎賞給誠實又勤勞的貓。這故事告誡人們要勤奮、誠實，不可欺騙他人。