朗聲四起

Maaq a “teknik” a malasAmilika tu qalinga. Pali’uni ki vaivivaivi baqlu tu tinanas’i qaimamangsut na’ikmama’aiun mita ihaan laupakadau tu iniqumisan. Maqtu ka teknik un iIhaan imita iniqumisan mapizauzung imita tu iniqumisan. Aupa maaq a tinanas’i tu qaimamangsuta kainibaqlu’an amin tinanas’i, mahiav ikma’aiun mita. Muqa tu haiza intaa nitu kasihalun mita miliskin, mapindikla imita maimasihal tu iniqumisan, a nii ata bunun ma’laz maqansiap.

Maszang laupakadau tu “uanglu” un, maqtu a uanglu mapikmuz imita bunun tu kainaskalan, masius imita bunun tu taiklas siin qansiap, maqtu mapakisniap i nakanadaan mita miqumis daan, niin ata maszang qabas tu mataimang, a mapinbaklu iniliskinan. Maqtu’in dau ata makusia uanglu ti mapasaqaal i silas dalaq tu duma siduq tu bunun, pababazbaz i nitu saqalan vaivivavi tu miniqumis. Tis’uni tu maaq aingkaa muqa ihaan lain pababazbaz siin mapasasaiv i sasing. Nii aingka usaduan ihaan zingva babazbaz tu bununa. Madaqvas aupa? Masmuq aupa? Manau’az aupa? Nii aupa manau’az saduan? musqa aingka mapakahaan kalasu’, kusia tanuduq mapupuu ki tinau tu patasan mapasaduu siin pababazbaz. nii aingka ma’laz maqansiap.

Maaq amin laihlai, qatu’, kusbabai, siin hikuki una, isia amin Teknik tun tu kai’uni’an tu qaimamangsut. Tuza dau ka laupakadau bunun tu masvala’ daingazin a iniqumisan. Qabasang tunqatu munhaan daqvisan dalaq tantungu ka, lauqu tau buan a tinunqatuan; laupakadau ka muqain tas’aqani’an ihaan hikuki. Qabasang patantungu a, tunbabantasang amin, mitmuqu a hubung, Aupa madauqpus dau ka inudadanan. Qabasang makusia lutbu tu tamasaz munquma, ansaqan, mama ki qaimamangsut, miqdi daingaz a bunun miqumis. Laupakadau ka bunun makusia’in Teknik tinanas’i tu laihlai miqumis, manas’akin a sinkuzakuza, sinkikai ka tisdangaz mita bunun kuzakuza.

現今的科技雖然帶給我們方便，但隱藏的負面效果往往人類未能察覺的。「網路」可以豐富、方便生活；可以在虛擬的世界中，和不認識的人盡情地交談，彼此之間無互信基礎，成為犯罪工具，受害者眾多。

汽車、摩托車、飛機、船艦是科技的產物，以前繞地球需要很長的時間，現在只要幾日或幾個小時，現在輕而易舉。科技也帶給人類厄運與傷害，如發明戰爭的武器，更多的人類和建築遭到肆意破壞，也都是科技所撒下的惡種。