neka nu kicia i tua qinaljan na paiwan zuku, ayatua aicu a paiwan zuku izua za mare paseqeljiqeljing kata semiljeva a nanguanguaq a kakudan. tjuruvu a cawcaw a mayatucu nu kinemnem, aicu a paiwan zuku amin a pita kakanen a mare paseqeljiqeljing aya, a paqulid ini ka namayatazua, aicu a paiwan zuku izua semiljeva, izua semasa, izua mare paseqeljiqeljing a nguanguaq aravac a kakudan kasicuayan.

semiljeva nu aya mavan a tjalja nguanguaqan saka tjalja sikizengeran nua paiwan zuku a kakudan. aicu a semiljeva mavan a penangapangalj ta ljaqediqedi ta mareka cunguljan ta qinaljup a vutjulj, au tjara qinaljup a vutjulj a sini vaik a semiljeva, katua nu izua pucekecekelj nu kalja masalutan a i qinaljan izua uta semiljeva ta vutjulj. ljakua aicu a penangalj ta kakanen a kakudan na paiwan zuku, inika manu nu izua qinaljup nu secevung ta masalut, mavan a penangalj ta vutjulj ta kakanen, kumalji a kazumazuman a qadaw i qinaljan, aicu a paiwan zuku izua sakamaya za penangalj ta kakanen tua ljaqediqedi kata mareka cunguljan a nanguaq aravac a kakudan.

aicu a sipasan musalj a nanguaq aravav a kakudan na paiwan zuku, mavan a pakatua semasa. nu izua pucekecelelj i qinaljan, vaik a mapuljat a taqaljaqaljan a semazua itua pucekecekelj a kiayan a maleva, au nu izua maqipeqipel i qinaljan, namaya uta, tjara vaik a mapuljat a taqaljaqaljan a sema zua itua maqipeqipel a cingkeljan a pusaladj a semasa, ljemita ta vengin masasumusumus uta a semazua semasa a ljemaveljav taza maqipeqipel a tacekeljan, semasa tua varung niamadju, ulja inika na sapulju, inika na sadjelung a varung, ulja na makaya masuqaung a kirimu aicu a tacekeljan siniayan. patetucu aicu a namayatucu a kakudan, sipazuruzurung anan na paiwan zuku.

aicu a vilivililjan a nanguaq aravac a kakudan na paiwan zuku, mavan a marepaseqeljiqeljing. kasicuayan nu uri kiniqinuman ta nemanga, nu tjengelay ta tjuruvu a cawcaw a pusaladj, nu kemeljang a ljaqediqedi a mareka cunguljan, inika kiqaqivu tjara kemasivarung angata a vaik a pusaladj. kata nuna venali saka izua na maljekuya djalan, aicu a maqacuvucuvung, tjara vaik a mapuljat a semazua sa paljaljenguanguaqi aza na maljekuya djalan. na kiljivak aravac ta qinaljan aicu a mareka maqacuvucuvung kasicuayan.

排灣族的社會沒有乞丐，因為我們懂得互助和分享。排灣族傳統的分享文化除了分享食物物質方面外，還有分享情緒，以及分享勞務等。

「semiljeva」是排灣族最優美也是最引以為傲的傳統習俗，過去semiljeva 是專指獵肉或是婚禮與收穫祭禮肉的分享，但是排灣族食物的分享，不僅僅是在這種時候才分享，其實排灣族人可以說隨時都在分享食物。

其次是情緒分享的美德，遇有婚喪喜慶時，全部落的人一起分享其中的情緒，例如有婚禮時大家分享婚禮的歡樂氣氛；部落中有族人死亡，大家會輪流到喪家守喪，陪伴、安慰喪家，分享其悲傷。這種行為即使到現在，仍然繼續存在排灣族的社會中，這是多麼美好的習俗。

最後是互助的美德，誰家農作物要採收需要多一點的人力時，鄰居或親友便會互邀前往幫忙，不收工資。還有風災之後，如果有路壞了，部落的年輕人會自動自發一起去把路修好，年輕人是如此保護部落，就像一家人一樣，這是多麼美好的社會。