朗聲四起

neka nu kicia i tua ’inaljan nua paiwan zuku, ayatua aicu a paiwan zuku izua za mare pase’elji’eljing kata semiljeva a nangua’aravac a kakudan. tjuruvu a cawcau a mayatucu nu kinemnem, aicu a paiwan zuku amin a pita kakanen a mare pase’elji’eljing aya, a pa’ulid inika namayatazua, aicu a paiwan zuku izua semiljeva, izua semasa, izua mare pase’elji’eljing a ngua’ aravac a kakudan kasicuayan.

semiljeva nu aya mavan a tjalja nguanguaqan saka tjalja sikizengeran nua paiwan zuku a kakudan. aicu a semiljeva mavan a penangapangalj ta lja’edi’edi ta mareka cunguljan ta ’inaljup a sacemel, au tjara mavan a ’inaljup a sacemel a sini vaik a semiljeva, katua nu izua pucekecekelj nu kalja masalutan a i ’inaljan izua uta semiljeva ta vutjulj. ljakua aicu a penangalj ta kakanen a kakudan na paiwan zuku, inika manu nu izua ’inaljup nu secevung ta masalut, mavan a penangalj ta vutjulj ta kakanen, kumalji a kazumazuman a ’adav i ’inaljan, aicu a paiwan zuku izua sakamaya za penangalj ta kakanen tua lja’edi’edi kata mareka cunguljan a nangua’ aravac a kakudan.

aicu a sipasan musalj a nangua’ aravav a kakudan na paiwan zuku, mavan a pakatua semasa. nu izua pucekecelelj i ’inaljan, vaik a mapuljat a ta’alja’aljan a semazua itua pucekecekelj a kiayan a maleva, au nu izua ma’ipe’ipel i ’inaljan, namaya uta, tjara vaik a mapuljat a ta’alja’aljan a sema zua itua ma’ipe’ipel a cingkeljan a pusaladj a semasa, ljemita ta vengin masasumusumus uta a semazua semasa a ljemaveljav taza ma’ipe’ipel a kinacemkeljan, semasa tua varung niamadju, ulja inika na sapulju, inika na sadjelung a varung, ulja na makaya masu’aung a kirimu aicu a tacekeljan siniayan. patetucu aicu a namayatucu a kakudan, sipazuruzurung anan na paiwan zuku.

aicu a vilivililjan a nangua’ aravac a kakudan na paiwan zuku, mavan a marepase’elji’eljing. kasicuayan nu uri kini’inuman ta nemanga, nu tjengelay ta tjuruvu a cawcau a pusaladj, nu kemeljang a lja’edi’edi a mareka cunguljan, inika ki’a’ivu tjara kemasivarung angata a vaik a pusaladj. kata nuna venali saka izua na maljekuya djalan, aicu a ma’acuvucuvung, tjara vaik a mapuljat a semazua sa paljaljenguangua’i aza na maljekuya djalan. na kiljivak aravac ta ’inaljan aicu a mareka ma’acuvucuvung kasicuayan.

「semiljeva」是排灣族最優美也是最引以為傲的傳統習俗，過去semiljeva 是專指獵肉或是婚禮與收穫祭禮肉的分享。

情緒分享的美德，遇有婚喪喜慶時，全部落的人一起分享其中的情緒，例如有婚禮時大家分享婚禮的歡樂氣氛；部落中有族人死亡，大家會輪流到喪家守喪，陪伴、安慰喪家，分享其悲傷。這是多麼美好的習俗。互助的美德，誰家農作物要採收鄰居或親友便會互邀前往幫忙。如果有路壞了，部落的年輕人會自動自發一起把路修好，是多麼美好的社會。