朗聲四起

izua milimilingan ni vuvu i paules tjai patagav a vuvu nimadju, a pakatua maisu ta vaqu, mayatucu timadju: aicu a vaqu tjasinan paravac aravac a kacalisiyan, masan liyaliyaw a tjaucil a milimilingan na vaqu.

 ta sicuwayan neka nu qacaqaca a caucau, kakedrikedriyan itjen! namacacaqev a paqulid ta kinadjemetan na kavulungan katua kadjunangan, namizemezeman a i kacauwan, ika tjen a ljiyacadjacadja nu djaravac itjen a caucau. nu kivala, vaivaik itjen a mazuwa ta tja ljaqediqedi, ika tjeqaljaqalja. nu qemuma itjen makacacavacavalj i pulingetj ta qinaljan. nu temugut ta vaqu pinakaljesenguwaq i kacasavan. sa nu maisu a caucau macugecug ta qaselu a kavulungan, sa lemingav ta “ceking!ceking!” aya a kavulung sa ljiyavavaw.

madengedeng a caucau aza nazemezem sakamaya a i kacauwan, ika maqati a tjemavang ta i cadja, ika maqati a kisevec a kiseljenguwaq a malingedjelj a caucau. nu izuwa tja purepuran satje kisamulja, izuwa nu macacugecugecug nu maqaqaliyuliyus itjen satje katjani a mamaw, azuwa naljemaljuku itjen sakamaya, ika mapacu nu cuayanga tu izuwa caucau a uzenganga.

“a tukitjakudai sa macacadja a kavulungan kata kadjunangan?” aya kipuvarung a ramaljemaljeng.

manu izuwa za timadju a vuluvulung a vavayan, “pay ,ljaqunu! maisui ta vaqu a pasasumusumus a ljemita tu qadaw. sa nu maisu mun paljiyavavau a nu qaselu, valju a ika nu djaljudjaljunen”,aya. marasudj a taqaljqaljan, masasuiljailja tiamadju a maisu a ljemita tu qadaw.” aya, ljemingaw a kavulungan nu maisuisu a sikataqaljan.

nu maljiyan a qadaw meljiyavavaw meljiyavavaw a kavulungan, patja temeljar patja temeljar a i kacauwan. kacuayanga minseganga a ljiyavavaw a kavulungan, a parunamaitucu anga a tja tjavatjavangen a kinavavavan ta kinavavavan. patagiljanga itjen a caucau a semanpulamiyan a mavavuwa, meliyaw anga a tja lami, ika maculjanga itjen!

vuvu告訴孫女patagav有關搗小米的故事。從前的人個子不高，而天空與地面非常近，像是蓋子蓋在鍋子上的樣子，天色也是昏暗的。種小米只在家屋外的石板縫間栽種，每次搗米的時候舉起的杵都會撞到天空，且發出ceking！ciking！的響聲。人們因為天空的高度低，無法打直腰桿，不小心就會撞成一團。有位女性長輩，要大家每天輪值搗小米，直到杵碰不天空，每天都聽到ceking！ceking！ceking響！天空越來越高，天色也亮了起來，人們開始覓地耕地栽種小米及其他食物！